मदिरा सेवनले वार्षिक २६ लाखको मृत्यु– डब्लुएचओ
![](https://snowberry.prixacdn.net/media/gallery_folder/beer-kills_cpMVYUqRPE_8hsswdnbdwzwr0naztqd3irwhvekzitqldka70gx71zc2qwnp67q0h3nhseo_TFtrxUEjr0_rgv9icqriwceidio0cxaiiiquwdlxoql6u6ozlgctj0c4dux8mzewrmsugtd.jpg)
मदिरा सेवनले वार्षिक २६ लाखको मृत्यु– डब्लुएचओ
विश्व स्वास्थ्य सङ्गठन (डब्लुएचओ) ले मङ्गलबार मदिराबाट बर्सेनि करिब ३० मानिसको मृत्यु हुने गरेको बताएको छ । हालैका वर्षमा मृत्युदरमा थोरैले कमी आए पनि यो ‘अस्वीकार्यरूपमा उच्च’ रहेको सङ्गठनको भनाइ छ ।
मदिरा र स्वास्थ्यसम्बन्धी राष्ट्रसङ्घीय स्वास्थ्य एजेन्सीको पछिल्लो प्रतिवेदनमा मदिरा सेवन गरेर सवारी चलाउने, मदिरा–प्रेरित हिंसा र दुर्व्यवहार तथा धेरै रोग र विकारका कारण प्रत्येक वर्ष वैश्विकस्तरमा हुने २० मृत्युमा करिब एकको मृत्यु मदिराका कारण हुने बताइएको छ । उपलब्ध पछिल्लो आँकडाअनुसार सन् २०१९ मा २६ लाख मृत्यु मदिरा सेवनका कारण भएको प्रतिवेदनमा उल्लेख छ । यो सो वर्ष विश्वभरमा भएका सबै मृत्युको चार दशमलव सात प्रतिशत थियो । यसमा करिब तीन–चौथाई मृत्यु पुरुषहरूको भएको थियो ।
“मादक पदार्थको प्रयोगले व्यक्तिगत स्वास्थ्यलाई गम्भीररूपमा क्षति पुर्याउँछ, दीर्घकालीन रोग, मानसिक स्वास्थ्य अवस्थाको जोखिम बढाउँछ र दुःखदरूपमा हरेक वर्ष लाखौँ मानिसको मृत्यु हुन्छ जसलाई रोक्न सकिन्छ”, डब्लुएचओका महानिर्देशक टेड्रोस अधानोम गेब्रेयससले भन्नुभयो ।
सन् २०१० पछि विश्वभरमा मदिराको खपत र सम्बन्धित हानिमा केही कमी आएको उहाँले बताउनुभयो । युवाहरू असमानरूपमा प्रभावित भएको उल्लेख गर्दै उहाँले भन्नुभयो, “तर मदिराको प्रयोगका कारण स्वास्थ्य र सामाजिक बोझ अस्वीकार्यरूपमा उच्च बनेको छ ।”
सन् २०१९ मा २० देखि ३९ वर्ष उमेरका मानिसमा मदिराका कारण हुने मृत्युको उच्चतम अनुपात १३ प्रतिशत रहेको डब्लुएचओले बताएको छ ।
क्यान्सर र कार दुर्घटना
मदिरा सेवनको सम्बन्ध कलेजो सिरोसिस र केही क्यान्सरजस्ता धेरै स्वास्थ्य अवस्थासँग जोडिएको छ । सन् २०१० मा यसबाट हुने सबै मृत्युमध्ये करिब १६ लाख गैरसङ्क्रामक रोगहरूबाट भएको पत्ता लागेको प्रतिवेदनमा उल्लेख छ । यीमध्ये चार लाख ७४ हजार हृदयरोग, चार लाख एक हजार क्यान्सर तथा सवारी दुर्घटना र स्वयंलाई हानि गर्नेजस्ता चोटपटकबाट सात लाख २४ हजारको मृत्यु भएको थियो । प्रतिवेदनले मदिराको दुरुपयोगले मानिसहरूलाई क्षयरोग, एचआइभी र निमोनियाजस्ता सङ्क्रामक रोगप्रति अधिक संवेदनशील बनाउने औँल्याएको छ ।
सन् २०१९ मा अनुमानित २० करोड ९० लाख मानिस मदिराको निर्भरतामा बाँचिरहेका थिए । यो विश्व जनसङ्ख्याको तीन दशमलव सात प्रतिशत हो । विश्वभरमा प्रतिव्यक्ति मदिराको कूल खपत नौ वर्षअघिको पाँच दशमलव सात लिटरबाट थोरै घटेर सन् २०१९ मा पाँच दशमलव पाँच लिटर भएको छ । तर समग्रमा मदिराको खपत विश्वभरमा असमानरूपमा वितरण गरिएको छ ।
विश्वको १५ वर्षभन्दा माथि उमेरका आधाभन्दा धेरै जनसङ्ख्या पूर्णरूपमा मदिराबाट अछूतो छ । युरोपमा अहिलेसम्म प्रतिव्यक्ति मदिरा सेवन गर्नेको उच्चतम स्तर नौ दशमलव दुई लिटर छ । त्यसपछि अमेरिकामा सात दशमलव पाँच लिटर छ । प्रतिवेदनले सबैभन्दा कम खपत मुख्यगरी उत्तरी अफ्रिका, मध्यपूर्व र एसियाका मुस्लिम मुलुकहरूमा रहेको बताएको छ ।
![खेलकुद मन्त्री विराज भक्त श्रेष्ठ कोरिया प्रस्थान](https://snowberry.prixacdn.net/media/gallery_folder/1719586279_Biraj%2520Bhakta%2520Shrestha%2520%2520korea-1200x560_xt8UgKHwEb_fcrgiqywn76snatwbxunehdq22pzdmlaupjddu7hdyq40njeh5jm2xz2x8iu_3zBJKFDcBs_mn7lbcnlqo1kxbhk9qcywird2b7yx4tospy8ttt8kp3bahzwgr8ryrugrpwd.jpg)
खेलकुद मन्त्री विराज भक्त श्रेष्ठ कोरिया प्रस्थान
![१२ वर्षीया किशोरीलाई जबरजस्ती करणी गरेको अभियोगमा एक युवक पक्राउ](https://snowberry.prixacdn.net/media/gallery_folder/download_73ChtUSbOn_k37jclqbfyshbs4kdqov4v5sg41tmpbuarnzxttjymyuc7f3j2q3988olzpa_P6EkjDf7Fe_wh2aieotificdrxinf4toenod063vkt8nxcceqge30d29t9umqebg2szl1qu.jpeg)
१२ वर्षीया किशोरीलाई जबरजस्ती करणी गरेको अभियोगमा एक युवक पक्राउ
![नेपाली महिला फुटबल टोलीले लेबनानमा फोर नेसन्स कप नखेल्ने](https://snowberry.prixacdn.net/media/gallery_folder/khel-2_HZ0v4B5PG8_b4ttpsqeafg5drxn8ncn9og0yeh7q0waoual8bttiwwg3ufg8dlu2lwtbot1_PkCbpWv9jW_9mcidofybhcigttzssksbmnebw9gjvb0m3jk9f6y2s2s9pdwvmlvgm9i8som.jpg)
नेपाली महिला फुटबल टोलीले लेबनानमा फोर नेसन्स कप नखेल्ने
![विवादका बिच नेपाल पत्रकार महासंघको निर्वाचन समितिले अन्तिम नामावली प्रकाशन](https://snowberry.prixacdn.net/media/gallery_folder/20244217304_fnj-nepal_20181028103434_oqk1zmdtnv_Js9biDuPxL_uaatuuiz2xcmucruc7yfqv0w3vk2vgo7dc6llkkqcnorsgzfkte9ik4r0o7a_ApmVTECTdR_ntaeo58so9ftyzl5jxjfpdmskpxlr8mgpasjw69muovsjk7487jeidanmouv.jpg)
विवादका बिच नेपाल पत्रकार महासंघको निर्वाचन समितिले अन्तिम नामावली प्रकाशन
![स्लोभाकियामा रेल र बस ठोक्किँदा सातको मृत्यु](https://snowberry.prixacdn.net/media/gallery_folder/image_FfNPGbfcZF_fzvr50x1t1m0gwoa6etkoe9pcmsxw8rfjyqivpmticxkcqesi2opitinayoo_f4mjgqJ44e_tgu9uk3nys8dxozl1skwpjcoj3m6lvgonx9lforyxradoudfaqwf7nwv7cku.jpg)
स्लोभाकियामा रेल र बस ठोक्किँदा सातको मृत्यु
![ट्राफिक प्रहरीले सवारीसाधन चलाउने ४ जना यान्त्रिक अवस्था ठीक नराखी सवारीसाधन चलाउने ३५ जना चालकहरूलाई कारबाही](https://snowberry.prixacdn.net/media/gallery_folder/Traffic-Checking-file_qvjnxOXZwH_vvcr9quo3pbguabc9lmtxgxdayvcdixdpp9b5zthzm9aoy7cbi6cy9kvirjp_encU66XQTU_1spuww2xyhea8kb8fl00uobcokgemy2auc97ltjoaiiulfix6zpwnq6ccknl.jpg)
ट्राफिक प्रहरीले सवारीसाधन चलाउने ४ जना यान्त्रिक अवस्था ठीक नराखी सवारीसा…
![विकासमन्त्री साहले बिचौलीयाहरुको स्वार्थको कारण दुग्ध किसानहरुको बक्यौता भुक्तानी](https://snowberry.prixacdn.net/media/gallery_folder/Jwala-Kumari-Shah_H5MJNkpfGx_triahxx6ctfux3o7sl8i7fvqjmju5bqhqldvie7r2omrwjifkjmwk4rtjnf2_LV1iaHVVWL_ukuk7hkmbgzaxwujus02al1ji2qv66dstrshd6zayd2e2efivqjldxojymwg.jpg)
विकासमन्त्री साहले बिचौलीयाहरुको स्वार्थको कारण दुग्ध किसानहरुको बक्यौता भुक्…
![पूर्वउपप्रधानमन्त्री सिंह उपचारपछि स्वदेश फिर्ता](https://snowberry.prixacdn.net/media/gallery_folder/images_6yNK1RImvY_5rrtukmogr3uqtorclecdpsif56vzqbggmthiqhjfxz5xswycofsfyiu1l52_VDF4FNAF4T_bhhqtghnh7ycaeixars96emymg46azx7sv5gyvc2qo4dgyt9mlepu6csjbjf.jpeg)
प्रतिक्रिया