बेनीको खुला मञ्च विस्तार
![](https://snowberry.prixacdn.net/media/gallery_folder/beni-bazar_GjPJI99IOS_kslluhsabnhatw5szqfhrdmbeubd7l4ekokfgmfyajs1aeqmeh3uxq1hmg9o_p4BLcsQ1lq_fctzttp1t7f6gggpvedqfgwgs7u3e9gbpexkpm0zerwp420z9ra8b3sxk5yx.jpg)
म्याग्दीको सदरमुकाम बेनीमा रहेको खुला मञ्च खेल मैदानलाई फराकिलो बनाउन क्षेत्रफल विस्तार गरिएको छ । खेल मैदान परिसरमा रहेको बेनी भगवती मन्दिरको पर्खाललाई स्थानान्तरण गरेर खेलमैदानको लम्बाई बढाएर मापदण्डअनुसारको बनाइएको हो । एघार÷एघार जना फुटबल खेलाउन मिल्ने बनाउन मन्दिरको पर्खाललाई तीन मिटरपछि सारेर खैल मैदानको लम्बाइ सय मिटर बनाइएको बेनी नगरपालिका–७ का वडाध्यक्ष रमेश श्रेष्ठले बताउनुभयो ।
“यसअघि ९७ मिटर भएको बेनी खुला मञ्चको खेल मैदानको लम्बाइ विस्तार गरेर सय मिटर बनाएका छौँ”, उहाँले भन्नुभयो, “३८ मिटर चौडाइ भएको खेल मैदानलाई ४५ मिटर चाक्लो बनाउन म्याग्दी नदीको किनारमा पर्खाल उठाएर प्याराफिट बनाइसकिएको छ ।”
कालीगण्डकी नदीतर्फ खेलमैदान विस्तार गर्न पिल्लर उठाइएको र प्यारापिट बनाउन प्रदेश, सङ्घीय सरकारसँग बजेट प्रस्ताव गरिएको वडाध्यक्ष श्रेष्ठले बताउनुभयो । खेल मैदानको क्षेत्रफल विस्तार गर्न बेनी नगरपालिकाले चालु आर्थिक वर्षमा रु ५० लाख विनियोजन गरेको थियो ।
सो बजेटबाट खेल मैदानमुनि कालीगण्डकी र म्याग्दी नदीको दोभानमा दुई कोठे मलामी घर र मन्दिर परिसरको पर्खाल सार्ने काम अन्तिम चरणमा पुगेको वडाध्यक्ष श्रेष्ठले बताउनुभयो । मलामीघरको माथिल्लो भागमा सङ्घीय खानेपानी तथा ढल व्यवस्थापन आयोजना म्याग्दीमार्फत ११ वटा सार्वजनिक शौचालय निर्माण गर्न लागिएको छ ।
‘बेनी मिनी रङ्गशाला’ म्याग्दी जिल्लाको प्राथमिकता प्राप्त र बेनी नगरपालिकाको गौरवको आयोजना हो । यसअघि म्याग्दी नदीको किनारतर्फ एक सय पाँच मिटर लामो र पाँच मिटर अग्लो पर्खाल बनाएर त्यसमाथि करिब सय मिटर लामो प्यारापिट बनाइएको थियो ।
दर्शक बसेर खेल अवलोकन गर्ने प्यारापिटको बाहिरी भागमा बल बाहिर जान नदिन र अग्लो तारजाली लगाइएको छ । कालीगण्डकी र म्याग्दी नदीको दोभानमा रहेको मैदानलाई विस्तार गर्न र प्यारापिट बनाउन विसं २०७४ मा रु नौ करोड लागत अनुमान गरिएको विस्तृत परियोजना प्रतिवेदन (डिपिआर) तयार पारिएको थियो ।
फुटबल, क्रिकेट र एथ्लेटिक्स खेलको अभ्यास गर्ने र प्रतियोगिता सञ्चालन गर्ने एकमात्र मैदान खुला मञ्च हो । जिल्लास्तरीय मेला, महोत्सव, सभा, समारोह, सांस्कृतिक कार्यक्रम र सम्मेलन यही हुने गर्छ ।
कालीगण्डकी किनारतर्फ करिब ५० मिटर लामो प्यारापिट बनाउन पिल्लर ठडाइएको छ । दर्शक बस्ने चार तहको प्यारापिट बनाउने योजना छ । हाल नौ÷नौ जनाको फुटबल खेलाइने खेलमैदान विस्तार गरेपछि ११÷११ जनाको टिम खेलाउन सकिन्छ । हाल फुटबल खेल्दा खेलाडीले फालेको बल खोलामा पुगेर हैरान हुन्छ ।
विसं २०५१ मा तत्कालीन सांसद निल पुनले सांसद विकास कोषबाट रु एक लाख बजेट विनियोजन गरेर खुलामञ्चलाई व्यवस्थित बनाउन सुरु गरिएको थियो । आव २०७७÷७८ र ०७८÷७९ मा बजेटविहीन हुँदा अलपत्र बनेको बेनी खेलमैदान योजनालाई पूर्णता दिन पछिल्लो दुई आवमा रु ५०÷५० लाख बजेट व्यवस्थापन गरिएको बेनी नगरपालिकाका प्रमुख सुरत केसीले बताउनुभयो ।
![विकर्षण बन्दै आन्तरिक मन्त्रालय](https://snowberry.prixacdn.net/media/gallery_folder/243477006_161799286133776_77697748189338892_n_7aGVHBZyB0_xklqkva5eu3sg3xgc1olhyab2pgcsm7uy2e7jurzyqmpzieioapxlpzasp9i_JVG6XCS24s_isofynw9b8trdsamnycv8voehgnt1vyytflnp6t2iauoigpdaxb1avfgiexy.jpg)
विकर्षण बन्दै आन्तरिक मन्त्रालय
![गलत बाटोबाट सही गन्तव्यमा पुगिँदैन, लागुऔषध त्यागेर समाज सुधारक बनौँ : उपप्रधानमन्त्री लामिछाने](https://snowberry.prixacdn.net/media/gallery_folder/1_BrvLOuG8nZ_p21pbx0ewzbzp1gcj06s23kt9bh7pak5fubzyhkuwkztck7kiatuuwijdtlp_q3KzNHrMSm_gseevroldttneh3uz4xftwrotlwgefzyfgggybygvcpbktc3wmjgtra1efpg.jpg)
गलत बाटोबाट सही गन्तव्यमा पुगिँदैन, लागुऔषध त्यागेर समाज सुधारक बनौँ : उपप्र…
![परराष्ट्रमन्त्री श्रेष्ठ र चीनका उपविदेशमन्त्री वेइतोङबिच भेटवार्ता , सीमा नाका सुचारु गर्ने सम्बन्धमा पनि छलफल](https://snowberry.prixacdn.net/media/gallery_folder/bhetbarta_0OAOA8nQKG_gqs9yqf3pglxnyytevsb7cbxfceh9hdjyjvtkq7xg34e6ezspiiiz6gr4z5s_UbuwS31o4N_tt7oneofg3uhljo8rkica8uxwgqns8q3z2bg1iy83pulodqkh9tqkvodjmkv.jpeg)
परराष्ट्रमन्त्री श्रेष्ठ र चीनका उपविदेशमन्त्री वेइतोङबिच भेटवार्ता , सीमा नाका स…
![नेपाली नागरिकको बाहुल्यता भएका देशहरूमा अनलाइनबाट मतदानको व्यवस्था गर्नुपर्छ : उपसभामुख राना](https://snowberry.prixacdn.net/media/gallery_folder/ac766a40-996d-11ed-900e-b1eb6fe3b024.jpg_RHbcuVz2S1_g29mymjujjlqpubp0c6rs9f3tppt98bjfcongbsfsddaxntc6qwmhnzll4eq_eHLd1BqyEw_yikeioov4hyjmtzr5idiq8fxbyd4jcpwwfrdgirsolqvtzyjk1mufqlqed5z.webp)
नेपाली नागरिकको बाहुल्यता भएका देशहरूमा अनलाइनबाट मतदानको व्यवस्था गर्नुपर्छ …
![असान्जको लामो कानुनी सङ्घर्ष समाप्त भएसँगै अष्ट्रेलियाका प्रधानमन्त्रीद्वारा खुसी व्यक्त](https://snowberry.prixacdn.net/media/gallery_folder/4014_etpt5rUrMp_7hctmyeeafisdgzjwefg2l9kcx0rl5h2o0efr7ys3ujskfp5lxjyofxdehyq_sg5aAlxEJV_azxjg05wrcx7hdnro2rgeumtzaow6hqns0mealux4k1wyfbvcg8wnbvyhehf.webp)
असान्जको लामो कानुनी सङ्घर्ष समाप्त भएसँगै अष्ट्रेलियाका प्रधानमन्त्रीद्वारा खुसी …
![तनहुँमा रासायनिक मल पर्याप्त मौज्दात](https://snowberry.prixacdn.net/media/gallery_folder/download_0V4IDelzaL_zjn6o1tomjqgporaqyqtlxg4oosrkhbufb5vv421lwok4uisnnalzdcol8xv_eSMUrn1IDx_vyhpwsqoumuo1ize1boe6fi8wp3l8tzvasjqrk2pbkueltjfsgy6wqpapprs.jpeg)
तनहुँमा रासायनिक मल पर्याप्त मौज्दात
![कैदकट्टाका लागि छ सय बीस जनाको सिफारिस](https://snowberry.prixacdn.net/media/gallery_folder/Jail-photo_gtUmbqdvIv_onhfytjveqinichix9yzfzccs4buqm5bu75idpqajudbtj6ehrczlo2rvahj_3eDsUT21qo_9jqb0eqkcxuwwk4gz6quyvji8q3wypz3s2ykinhiwqub0w4guvhorcupzmcy.jpg)
कैदकट्टाका लागि छ सय बीस जनाको सिफारिस
![खेतमा काम गर्दैगर्दा चट्याङ लागेर मृत्यु दुई जनाको मृत्यु](https://snowberry.prixacdn.net/media/gallery_folder/IMG_3148_GJHWMrJgdJ_vi4tqyfhwqxymohw5ehfjr6hoq95jn0qogxmdl9pjmmi8dpl3uvtxz0s9gbt_NYP7B9rq25_9gxuc2h9qyymc4dnyzrdu9paooh0udjldusgxcddfgtsvm6j713jkthywgbg.jpeg)
प्रतिक्रिया