पर्वतको बनौका किसान व्यावसायिक आलुखेतीतर्फ आकर्षित
![](https://snowberry.prixacdn.net/media/gallery_folder/samuhik-aalukheti-in-syangja-768x432_kIFRxjmwL4_rddbbrlrsr4oixqjiziohtf7lcjvuyl6aixgwcjvq0rc790cyiffegflrcvv_44kwtC0Kcf_ljad9wcdri1mnroiltxfpiiea2jkurxu1rhsr9qhhbic6rjuamt8hwixuqpy.jpg)
काठमाडौँ, ३० जेठ : जिल्लामै स्वादिलो र गुणस्तरीय आलु उत्पादनका लागि ख्याति कमाएको जलजला गाउँपालिका–९ बनौका किसान व्यावसायिक आलुखेतीतर्फ आकर्षित भएका छन् । परम्परागत र निर्वाहमुखी रुपमा आलुको खेती गर्दै आएका किसान यस वर्षदेखि व्यावसायिक रुपमा खेती गर्न थालेका हुन् । कोदो र आलुमात्र उत्पादन हुने बनौमा धानखेती निकै कम हुन्छ । अहिले यहाँका बासिन्दाले आलु र कोदोखेती गर्दै आएका छन् ।
कृषि ज्ञान केन्द्रको खायन आलु प्रवद्र्धन कार्यक्रमअन्तर्गत कृषक बीउ, मल, यान्त्रिकीकरण तथा बजारीकरणका साथै प्राविधिक सहयोग पाएपछि व्यावसायिक रुपमा यो खेतीमा लागेका हुन् । अहिले बनौ गाउँमा मात्र चार सय रोपनी क्षेत्रफलमा आलुको खेती गरिएको छ । बनौमा रहेका दुई आलु उत्पादक समूहमा आबद्ध ७३ किसानले सामूहिक रुपमा आलु उत्पादन थालेका हुन् ।
विगतमा एक रोपनी क्षेत्रफलबाट कम्तीमा पाँच मुरी आलु उत्पादन हुने गरेकामा अहिले दोब्बर उत्पादन हुने स्थानीय मणिबराह कृषि समूहका अध्यक्ष टकबहादुर पुर्जाले जानकारी दिनुभयो । उहाँका अनुसार अहिले लगाइएको चार सय रोपनी क्षेत्रफलबाट पहिलेभन्दा दोब्बर उत्पादन हुने अपेक्षा गरिएको छ ।
समूहमा आबद्ध भएका किसानले न्यूनतम रु एक लाखदेखि रु १० लाखसम्म आलु बिक्री गरेर आम्दानी गर्ने भएका छन् । उत्तरी भेगतर्फ फर्किएको बनौको गाउँमा आलुको राम्रो उत्पादन हुने र खानका लागि स्वादिलो र गुणस्तरीय समेत हुने किसान पुर्जाले बताउनुभयो । बनौमा परम्परागत बीउ नै लगाइएको छ ।
चालु आर्थिक वर्षदेखि सुरु भएको खायन आलु प्रवद्र्धन कार्यक्रमअन्तर्गत यस वर्ष झन्डै दुई हजार किसानले व्यावसायिक रुपमा आलुखेती गरेका छन् । अहिले आलु खन्ने र थन्क्याउने बेला भएकाले केही दिनमा कति उत्पादन भयो भन्ने यकिन तथ्याङ्क आउने कृषि ज्ञान केन्द्रका बागवानी विकास अधिृकत शङ्कर पौडेलले बताउनुभयो । उहाँका अनुसार प्राविधिक ज्ञानसँगै किसानले आधुनिक तरिकाले आलुखेती गर्न थालेपछि उत्पादनसमेत बढेको छभने कृषकसमेत उत्साहित भएका छन् ।
कृषि ज्ञान केन्द्रका प्रमुख परशुराम अधिकारीका अनुसार यो कार्यक्रमअन्तर्गत हिउँदे याममा गरिएको आलुखेतीमा जिल्लाभरका एक हजार आठ सय २१ किसानले व्यावसायिक रुपमा आलुखेती गरी आम्दानी गर्न सफल भएका छन् । बर्खेयाममा यसको आधा सङ्ख्यामा किसानले आलुखेती लगाएका छन् ।
किसानलाई व्यावसायिक आलु खेतीतर्फ आकर्षित गर्दै जिल्लालाई आलु उत्पादनमा आत्मनिर्भर बनाउने उद्देश्यले यो कार्यक्रम सञ्चालन गरिएको हो । आलु प्रवद्र्धनका लागि चालु आर्थिक वर्षमा रु तीन करोड विनियोजन भएको थियो । उक्त बजेटबाट किसानलाई आलुको बीउ, मल, यान्त्रिकीकरण तथा बजारीकरणमा अनुदान उपलब्ध गराइएको अधिकारीले बताउनुभयो ।
कार्यक्रमको लक्ष्य यो आर्थिक वर्षमा एक सय २५ हेक्टरमा आलुखेती विस्तार गर्ने भनिए पनि किसानको मागअनुसार एक सय ५५ हेक्टर क्षेत्रफलमा आलुखेती गरिएको हो । पहिलो याममा एक सय चार हेक्टरमा क्षेत्रफलमा गरिएको आलुखेतीबाट दुई हजार छ सय ५८ मेट्रिकटन आलु उत्पादन भएको छ । त्यसबाट किसानले उपभोग गरेर बाँकी रहेको आलु बिक्रीबाट रु पाँच करोड आम्दानी गरेका छन् ।
बर्खे आलुका लागि ५० हेक्टर क्षेत्रफलमा खेती गरिएको छ । यसको उत्पादन र आम्दानीको तथ्याङ्क असार अन्तिम सातासम्म आइपुग्ने कृषि ज्ञान केन्द्रले जनाएको छ । सबैभन्दा बढी आलु जिल्लाको जलजला गाउँपालिकामा उत्पादन भएको केन्द्रले जनाएको छ ।
पर्वतमा जनकदेव, खुमल, उज्ज्वल, खुमल सेतो, एमएस ४२, कुफ्री, ज्योति, ताराखोला, जातका आलुको खेती गरिएको थियो । प्रतिहेक्टर न्यूनतम २६ मेट्रिकटनदेखि अधिकतम ४६ मेट्रिकटनसम्म उत्पादन भएको कृषि ज्ञान केन्द्रका बागवानी विकास अधिकृत शङ्कर पौडेलले जानकारी दिनुभयो । यसबाट उपभोगका लागि किसानलाई खरिद गर्न नपर्नाका साथै बिक्री वितरणबाट पनि राम्रो आम्दानी गरेको पौडेलले बताउनुभयो ।
![झाडाबान्ता लागेर एक जनाको मृत्यु](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
झाडाबान्ता लागेर एक जनाको मृत्यु
![अविरल वर्षासँगै पहिरो खस्दा कर्णाली राजमार्ग अवरुद्ध](https://snowberry.prixacdn.net/media/gallery_folder/pahiro-1_Y4S3mdpBNV_4lyfccea7hw5oy9o9tuwb1vxxygfydfiggmd4dxrnd8afdjvq7qv5dj7h2k3_tOLytuVy7O_jhookj2gityv5te718yrfwxsnarnynfooy0bremfwkox9kzosyetrdlethqk.webp)
अविरल वर्षासँगै पहिरो खस्दा कर्णाली राजमार्ग अवरुद्ध
![सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडसहितको रसिद दिने](https://snowberry.prixacdn.net/media/gallery_folder/1725760049_lisece-1200x560_sYcQgtIiE0_cwrz5nwitbudnwbpa6xugpfvagnyd4c58izb3rrrkfmwiwzfvc80vpkimwra_vuVkmtCEwZ_man2jxj5w3agctxzotpjhp4tg5dtpb4y41rzv1w7mygpev66o2rsn6qexcpr.jpg)
सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडस…
![रूसका दुई दर्जनभन्दा बढी ड्रोन खसालेको युक्रेनकाे दाबि](https://snowberry.prixacdn.net/media/gallery_folder/GettyImages-1252642248-1_jCwMeV64Dk_ukkfjkicdsz2cjkqftxo5u8awwmuduldsszzh4fuvtijrwwna9hmisk1xfcw_ef9xh0e8pA_okvlmhf6n8s5lc4qyiykzthh842wc5fnhbltail8e9uvvhwuviteqhojjo5h.jpg)
रूसका दुई दर्जनभन्दा बढी ड्रोन खसालेको युक्रेनकाे दाबि
![थारू समुदायको अटवारी पर्वः दिदी बहिनीका लागि व्रत लिएर मनाइँदै](https://snowberry.prixacdn.net/media/gallery_folder/1212170950katbari-parba_lrVCjGCnTf_wncnziuin4nalvtzertoqekatagdr0vxerojq6w4qvuebzdkmsifjkvp5nmk_y60qM3CgYV_iur6qrgkltacpi4zhnnfbk2ykaw42ws4skgzfywevbzlhqaczlflhpzzma8u.jpeg)
थारू समुदायको अटवारी पर्वः दिदी बहिनीका लागि व्रत लिएर मनाइँदै
![इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार
![सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’](https://snowberry.prixacdn.net/media/gallery_folder/sahakari-pidit_ktm-5_jen6WqxLwe_ye5r2tv3zfajkk6bbqm4k1jenp1b5z479wbxna1f48yxtx0ao4ijcqfkzfai_bKnbMy8bni_dp8hwcofi8hr1ggua0j0ogsipblnpnqiccdkq4pg8ko4vs71hq30uff8m3bn.jpg)
सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’
![लखनउको यातायात नगर क्षेत्रमा रहेको एक भवन भत्किँदा आठ जनाको मृत्यु ३० जना उद्धार](https://snowberry.prixacdn.net/media/gallery_folder/efasdggmg-1725727293_x9MTLIy04p_gwz1dcpykuc3ziavqiuzxoiemwd9jbnxgsrmofrlehnaxdft1xemqzhplq5r_JoNRGHXrCs_oomctnis19sqqdysqjomiujy449aaj4swbzddf2sorbbc7nlwrw9i6vmszws.jpg)
प्रतिक्रिया