अमरसिंह थापाको शालिक निर्माणपछि पर्यटक आकर्षित
![](https://snowberry.prixacdn.net/media/gallery_folder/IMG_20240603_135228_hgNWE9Yd2v_h3hp2avimgq6rs6voahu0wxed4clf1ayst9mbw1hr6bsastrurf9qwizzokb_fIFW4fRTzP_w0kwrumceejqje8obtdm8zyepva6slqybnc8tr7oxqolalwiwnsobuvpf1wl.jpg)
काठमाडौँ, ३० जेठ :जिल्ला सदरमुकाममा रहेको ऐतिहासिक अमरगढी किल्लामा निर्माण गरिएको अमरसिंह थापाको पूर्णकदको सालिकले किल्लाको महत्व बढाएको छ । अमरगढी किल्लाबाट पुरानो र आधा मात्रै शरीर देखिने थापाको शालिक हटाएर नयाँ राखेसँगै किल्लाको महत्व बढेको हो ।
थापाको नामबाट स्थापित नेपालको ऐतिहासिक अमरगढी किल्ला नेपाल आर्मी र स्थानीय सरकारको पहलमा पुनःनिर्माण गरेपछि आन्त्रिक तथा बाह्य पर्यटक आकर्षित हुन थालेका छन् । गत साता राष्ट्रिय विभूति अमरसिंह थापाको नयाँ सालिक किल्ला परिसरमा अनावरण गरिएको अमरगढी नगरापलिकाका प्रमुख डिल्लीराज जोशीले बताउनुभयो । पुरानो शालिक हटाएर नयाँ राख्दा किल्लाको सुन्दरता बढ्नुका साथै पर्यटन प्रवर्द्धनमा टेवा पुग्ने विश्वास लिइएको उहाँको भनाइ छ ।
किल्ला परिसरमा यथाशीध्र पुराना शैलीका हातहतियार अन्य ऐतिहासिक र पुरात्वात्तिक वस्तुसमेत राखिने प्रमुख जोशीले जानकारी दिनुभयो । पर्यटकीय आकर्षणको केन्द्रका रुपमा रहेको यस परिसरमा पुराना हातहतियार, बन्धुक, तोप, गोला र काँडमका हतियार राख्न सके पर्यटक आकर्षित गर्न सहज हुने उहाँको भनाइ छ ।
पहिले राखिएको सालिकको अनुहार बडाकाजी थापाको अनुहारसँग मेल नखाने गुनासो आएपछि नयाँ पूर्णकदको सालिक राखिएको अमरगढी नगरपालिकाले जनाएको छ ।
“धेरैले थापाको अनुहारसँग किल्लामा रहेको सालिकको अनुहार नमिल्ने गुनासो गरेका थिए”, प्रमुख जोशीले भन्नुभयो, “झण्डै एक वर्षको प्रयासपछि अहिले नयाँ सालिक अनावरण गर्न सफल भएका छौंँ ।” सालिकले किल्लाको गरिमा बढाउनुका साथै इतिहासलाई जीवन्त राख्ने काम गरेको उहाँले बताउनुभयो ।
प्रमुख जोशीले अमरगढी किल्लालगायतका ऐतिहासिक क्षेत्रको संरक्षण र प्रवर्द्धन गर्न सबैले एकजुट भएर काम गर्नुपर्नेमा जोड दिनुभयो । जिल्लाका इतिहाससँग जोडिएका संरचना पुनःनिर्माण हुन जरुरी रहेको उहाँको भनाइ छ ।
अमरगढी किल्ला, अजयमेरुकोटलगायत धार्मिक क्षेत्र पनि यस जिल्ल्लामा अवस्थित छन् । पुरात्वात्तिक विभागका साथै विभिन्न पहिचान र संस्कृति संरक्षणमा लागेका सङ्घसंस्थाले यसतर्फ ध्यान दिँदै जीर्ण संरचनाको संरक्षणका लागि पहल गर्नुपर्ने स्थानीय बताउछन् ।
अमरगढी नगरपालिकामा मात्रै राउलतोली गुफा, उग्रतारा मन्दिर, घटालथान, कस्याटाकुरो सहस्रलिङ्गलगायत धार्मिक तथा पर्यटकीय क्षेत्र छन् । अग्रेजसँगको लडाइ लड्न अमरसिंह थापाको सेनाको फौज लामो समयसम्म तयार अमरगढी किल्लामा बसेको इतिहासकार बताउँछन् ।
थापाकै नामबाट सदरमुकामसमेत रहेको नगरपालिकाको नामाकरण अमरगढी भएको अमरगढीका सस्थापक प्रमुख मोहरनराज पाठकले जानकारी दिनुभयो । उहाँका अनुसार नेपाल एकीकरणका बेला बडाकाजी थापाले डोटेली राज्यको डडेल्धुरालाई आधार क्षेत्र बनाइ कुमाउ गडवालसम्म युद्ध लडेको इतिहास छ ।
रणबहादुर शाहको शासनकाल १८४७ सालमा नेपाल एकीकरण सिलसिलामा डोटेली राज्यको नारीदाङमा युद्ध भएपछि विशाल डोटी राज्य नेपाल अधिराज्यमा गाभिएको इतिहास उल्लेख रहेको पाठकले बताउनुभयो । इतिहासमा उल्लेख गरिएअनुसार युद्धमा गोर्खाली फौजसँग डोटेली फौज पराजित भइसकेपछि यस भूभागको सरंक्षण र सुशासनलाई सुदृढ र विस्तार गर्न बडाकाजी थापा प्रथम प्रशासकका रूपमा यहाँ आउनुभएको उहाँको भनाइ छ ।
विसं २०५४ मा अमरगढी किल्लाको नामबाट स्थापना भएको अमरगढी नगरपालिकाले विसं २०५६ मा किल्लालाई आफ्नो मातहतमा लिएको थियो । विसं २०५८ मा जनयुद्धका कारण जिल्लालाई सुरक्षा दिन सो किल्ला पुनः नेपाली सेनाले आफ्नो मातहतमा लिएपछि अवलोकन तथा हिँडडुलमा प्रतिबन्ध लगाइएको थियो । हाल सर्वसाधारणका लागि खुला गरिएको छ । दैनिक किल्ला अवलोकनका लागि बाह्य र आन्तरिक पर्यटक आउने गरेका छन् ।
![सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडसहितको रसिद दिने](https://snowberry.prixacdn.net/media/gallery_folder/1725760049_lisece-1200x560_sYcQgtIiE0_cwrz5nwitbudnwbpa6xugpfvagnyd4c58izb3rrrkfmwiwzfvc80vpkimwra_nTEjI8rhln_rvznkg8zlkruhzxqdmr0sm8airh5neiq8p0twd5nwgj3wvmfwfi2tk62mbsr.jpg)
सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडस…
![रूसका दुई दर्जनभन्दा बढी ड्रोन खसालेको युक्रेनकाे दाबि](https://snowberry.prixacdn.net/media/gallery_folder/GettyImages-1252642248-1_jCwMeV64Dk_ukkfjkicdsz2cjkqftxo5u8awwmuduldsszzh4fuvtijrwwna9hmisk1xfcw_g7oWA9UZD4_1ntnqn97cethwgjvthaybm8qkqwtmy8mbxq9wtyvsvjygsoxnvrnqhfoeoq2.jpg)
रूसका दुई दर्जनभन्दा बढी ड्रोन खसालेको युक्रेनकाे दाबि
![थारू समुदायको अटवारी पर्वः दिदी बहिनीका लागि व्रत लिएर मनाइँदै](https://snowberry.prixacdn.net/media/gallery_folder/1212170950katbari-parba_lrVCjGCnTf_wncnziuin4nalvtzertoqekatagdr0vxerojq6w4qvuebzdkmsifjkvp5nmk_PJiATpVDEQ_jtdgjt0qr38pgamfhqw1dwenhy6a1kdfanucuv3zjzl9n7chmxwhxyzg9iem.jpeg)
थारू समुदायको अटवारी पर्वः दिदी बहिनीका लागि व्रत लिएर मनाइँदै
![इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार
![सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’](https://snowberry.prixacdn.net/media/gallery_folder/sahakari-pidit_ktm-5_jen6WqxLwe_ye5r2tv3zfajkk6bbqm4k1jenp1b5z479wbxna1f48yxtx0ao4ijcqfkzfai_w70cb4DTJc_qsqhd6e0jfklydeeuwdzrexqcwcodxvak2ir6k0esfvjxisomzz0qkvbjat8.jpg)
सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’
![लखनउको यातायात नगर क्षेत्रमा रहेको एक भवन भत्किँदा आठ जनाको मृत्यु ३० जना उद्धार](https://snowberry.prixacdn.net/media/gallery_folder/efasdggmg-1725727293_x9MTLIy04p_gwz1dcpykuc3ziavqiuzxoiemwd9jbnxgsrmofrlehnaxdft1xemqzhplq5r_DOJb4iC7DF_3myfy7n2v6s1ail8ids7zarghiqkljhsmiguhdqaljulsxuqiuqemhefluxv.jpg)
लखनउको यातायात नगर क्षेत्रमा रहेको एक भवन भत्किँदा आठ जनाको मृत्यु ३० जना उद्…
![सरिता भारतीको युगल स्वरमा नयाँ लोकदोहोरी काँठे गीत ‘नगर दोमन’ सावर्जनिक](https://snowberry.prixacdn.net/media/gallery_folder/nagara-domana-1_tZUoln5OQm_gewc6yg2nvvuy5saxtbsbeliechn41hmyq6d1jmrjdccvffmprnnudae51dr_9QgfhEw0pE_0dvhxhsetdatiud4hvkaqjlyedvsumkbdgeejpoak6nynwxzl4fzauj9next.jpg)
सरिता भारतीको युगल स्वरमा नयाँ लोकदोहोरी काँठे गीत ‘नगर दोमन’ सावर्जनिक
![भुक्तानी विवाद टुङ्गिएसँगै तनहुँ जलविद्युत् आयोजनाको काम सुरु](https://snowberry.prixacdn.net/media/gallery_folder/tanahu-surung-latest_esoijLs8Kv_q5tirbonf0enavokf2gyvyrhd1wwu4m8zf0fvfad9xym4ptjadgjswcykc18_MA5sLZqKpg_ahm7flwm5fyakodo0q0ydbbngenqeddreck6cqk9rnlvgezznmplfpwequiv.jpg)
प्रतिक्रिया