सदनमा कुरा त राख्छु, संबोधन हुँदैनः नेत्री सिंह
![](https://snowberry.prixacdn.net/media/gallery_folder/Screenshot%25202024-05-13%2520130304_Hot0fdfROM_ovh9gkeotwmrqawhobtw5hzgncdhuovdqwseoy3ejrrtxhgsfnsmypprlwbz_Tm5GRSgeSm_bnrrskcu7x44ykudwj4ox2toihmz7qokp4arvzpqh0ox8fo3mjrtbl8v7shl.png)
काठमाडौँ, ३१ वैशाख: राजनीतिमा होमिन आमरुपमा महिलाका लागि त्यति सहज छैन । पछिल्लो लोकतान्त्रिक गणतन्त्रात्मक व्यवस्थाले भने राजनीतिमा महिला समावेशीतालाई बाध्यकारी बनाइदिएको छ । फलस्वरुप चाहेर वा नचाहेर घुम्टो पन्छाउँदै घरदेखि सदनसम्म आउन मधेसका महिला तयार हुनुहुन्छ ।
परिवारभित्रको जिम्मेवारी, राजनीतिक शक्तिको सङ्घर्ष र संसदसम्मको भूमिकामा एक महिला कसरी आफूलाई तयार बनाउनुहुन्छ ? यसबीचका चुनौतीहरु के कस्ता खेप्नु पर्छ र घरदेखि सदनसम्मको अनुभवमा के फरक छ ? पहिलो पटक प्रतिनिधिसभामा सदस्य निर्वाचित हुनुभएकी जनमत पार्टीकी सांसद् बिनिताकुमारी सिंहसँग परिवार र संसदको सङ्घर्ष अनुभव रोचक छ । मधेसको किसान आन्दोलनबाट राजनीतिमा सक्रिय हुनुभएकी सिंह सिराह क्षेत्र नं. २ बाट आदिवासी जनजातिको प्रतिनिधित्व गर्दै समानुपातिक सांसदमा चुनिनु भएको हो । सांसद् सिंहले राष्ट्रिय समाचार समितिका समाचारदाता मधु शाहीसँग सदनको अनुभव यसरी राख्नुभएकोछ ।
राजनीतिमा आउनुअघिको दिनचर्या कस्तो थियो ?
राजनीतिमा आउनुअघि घरपरिवार सम्हाल्नमै व्यस्त थिएँ । हामी महिलाले घरपरिवार सम्हाल्नु पर्छ । अनि मात्रै अरु क्षेत्रमा सक्रिय हुनुपर्छ । सबै रोजाइ महिलाले पछि छान्नुपर्छ । पहिला परिवार नै हेर्नुपर्छ, परिवार नै सम्हाल्नु मुख्य दायित्व हुन्छ ।
परिवार सम्हाल्दै राजनीति गर्दा के कस्ता चुनौती आउँदा रहेछन् नि ?
पहिलो कुरो त मधेसका महिला घुम्टो उठाउँदै अघि बढ्नु पर्ने मुख्य चुनौती छ । म पनि त्यहि माटोकी हुँ । म त्यो घुम्टोबाट अछुतो कसरी हुन सक्छु ? तर, मलाई राजनीतिक चेत छ । त्यसैले परिवारमा मात्रै रुमलिएर हुँदैन, देश र जनताका लागि पनि केही गर्नुपर्छ भन्ने भावना सङ्गालेकी छु । त्यही भावनाले गर्दा नै म घुम्टो खेलेर सदनमा पुग्न सफल भएकी हुँ । मधेसमा अत्यन्त सीमित महिला राजनीतिमा आउने अवसर पाउँछन् । जुन मैले पाएकी छु । यसको श्रेय परिवार र श्रीमानलाई जान्छ ।
चुनौतीचाहिँ के रहेछन् त ?
चुनौती थुप्रै छन् । दुई वर्षअघि प्रतिनिधिसभाको सांसदको शपथ लिँदा मेरो छोरो चार वर्षको थियो । अहिले छ वर्ष पुगेको छ । स्कुल जान्छ । तपाईंले अनुमान पनि लगाउन सक्नुहुन्न मेरो दैनिकीको व्यस्तता कति छ भनेर । बिहान उठेदेखि बेलुकासम्म कामले फुर्सद पाउँदिन । छोरालाई खाना पकाएर खुवाऊ, स्कुल पुर्याऊ, परिवारको सेवा गर अनि फेरि संसदमा जाऊ । राति परिवार मस्त निदाउँछन्, म संसदको विधेयक पढ्न थाल्छु । म संसदको शिक्षा स्वास्थ्य समितिमा पनि सदस्य छु । समितिको दैनिकजसो बैठक हुन्छ । त्यसको लागि अध्ययन गर्नुपर्छ । परिवार र जनताको सेवा एक साथ गर्दै आएकी छु ।
परिवारको अनुभव त सबै महिलाको सन्दर्भमा लगभग उस्तै हो । संसद्को चाहिँ अनुभव कस्तो हुँदो रहेछ ?
दुई वर्ष अघि संसद बैठकमा पहिलो पटक पस्दा रमाइलो लाग्यो । तर, पछि बुझ्दै गएँ यहाँ रमाइलो होइन, गम्भीर हुनुपर्दो रहेछ । जनताप्रति जिम्मवार हुने क्षेत्र रहेछ । जनताकै लागि बोल्ने थलोमा पुगेकी रहेछु । संसदको दोस्रो वर्ष मात्रै यहाँको भाव बुझ्न थालेँ र मैले खासगरी जहाँबाट निर्वाचित भएकी थिएँ त्यहाँका जनतासँग भेट्न थालेँ । उहाँहरुको समस्या सुनेर, देखेर, बुझेर संसदको बैठकमा उठाउँदै आएकी छु ।
कस्ता समस्या राख्दा रहेछन् जनता ?
सिरहा जिल्ला शिक्षा, स्वास्थ्य, रोजगार सबै हिसाबले पछि परेको ठाउँ हो । खासगरी यहाँका महिलाको स्थिति अझै दर्दनाक छ । मधेसी दलितको स्थिति उस्तै पीडादायी छ ।
भोक, गरिबी, अभाव र असुरक्षा लगायत जनताका थुप्रै समस्या छन् । म एउटा सांसदले उहाँहरुको कुरा धैर्यपूर्वक सुनिदिए मात्रै पनि धेरै राहत मिल्छ जस्तो लाग्छ । त्यसैले म गाउँमै जान्छु र उहाँहरुको कुरा सुन्छु । म महिला सांसद् भएर पनि होला, धेरै गुनासो महिला दिदीबहिनीेले मसँग खुलेर गर्नुहुन्छ ।
सिरहाका महिलाका कस्ता गुनासा छन् नि ?
सिरहाका महिलाहरुका गुनासा थुपै्र छन् । अति सूक्ष्म र महत्वपूर्ण छन् । त्यहाँका महिलाहरु पछिल्लो समय आत्मनिर्भर बन्न चाहनुहुन्छ । आफ्नै खुट्टामा उभिन चाहनुहुन्छ । त्यही अपेक्षाले होला सायद, कपडा सिलाउने मेसिन, धुप बनाउने सामग्री, व्यापार गर्ने लगानी दिनु पर्यो सांसद् ज्यु भन्दै अनुरोध गर्नुहुन्छ ।
अनि तपाईंले पूरा गर्नु भएको छ त उनीहरुका माग ?
यो प्रश्न तपाईंले गर्नुभन्दा पहिला मैले म आफैँलाई धेरै पटक सोध्ने गरेकी छु । के साँच्चिकै मैले मेरा मतदाताको समस्या सम्बाेधन गर्न सकेकी छु त ? उत्तर पनि आफैँले पाउँछु, “छैन” ।
थुप्रै नेताले जनताको माग पुरा गरेकै छौँ भनेर ठोकुवा गर्छन् । तपाईंले त गरेको छैन भन्नुभयो नि ।
म झुटो बोल्न सक्दिनँ । मैले जे गरेकी छु, त्यो गरेकी छु भन्छु । जे गरेको छैन छैन नै भन्छु । मेरा जनतालाई मैले वास्तवमै केही गर्न सकेको छैन । प्रयास भने निरन्तर गरिरहेको छु । नतिजा आउने प्रतीक्षामा छु । तर, सांसद एक्लैले मात्रै जनताको आवश्यकता पुरा गर्न सक्दैन । हामी जनताको कुरा सदनमा पु¥याउँछौँ । सरकारले सुन्दैन, कसरी माग पुरा हुन्छ ?
सांसद्को कुरा सरकारले सुन्दैन ?
सुन्छ मात्रै संबोधन हुँदैन । यो मेरो नितान्त व्यक्तिगत अनुभव हो । अरुसँग मेल नखान सक्छ । मधेस जस्तो पिछडिएको क्षेत्रको प्रतिनिधित्व गर्ने महिला हुँ । मैले धेरै पटक सदनमा मधेसका जनताको आवाज उठाएको छु । चाहे त्यो मधेसको शिक्षाको क्षेत्रमा होस्, चाहे स्वास्थ्य तथा रोगारको क्षेत्रमा होस् । विशेषगरी सिरहामा स्नातक तहको इन्जिनियर विश्वविद्यालय खोल्नुपर्ने मेरो जोडदार माग रहेको छ । किनकी यहाँका अधिकांश युवा पढ्नकै लागि भारत पुग्छन् । साथै पुल, सडकजस्ता पूर्वाधार निर्माणका कुरा उठाएको छु । सिरहामा चिस्यानकेन्द्र जरुरी छ, त्यो पनि अर्को महत्वपूर्ण विषय हो ।
तपाईं आफैँले भन्नुभयो, जनतालाई सहयोग गर्न पाइनँ भनेर । के ले रोक्यो सहयोग गर्न ?
सबैभन्दा ठुलो अवरोध भनेकै आर्थिक रहेछ । सांसद् जनतासँग प्रत्यक्ष ठोक्किन्छन् । एका अर्थले सांसद जनताको गुनासो पेटीका हो । केही सहयोग गरिहाल्यौं भन्यो भने आफूसँग बजेट छैन । मैले धेरै पटक रकम (फन्ड) जुटाउनका लागि अर्थ मन्त्रालय, गृह मन्त्रालय, महिला मन्त्रालय लगायत विभिन्न मन्त्रालय धाएको छु । सबैबाट एउटै उत्तर आउँछ, “माननीयज्यू, सहयोग गर्न त हुन्थ्यो । के गर्ने बजेटै छैन ।” अहिले त सदनमा जनताको पीडा थाँती राखेर सत्ताको लडाईं मात्रै भइरहेको देख्छु ।
![सांस्कृतिक पर्यटन प्रवर्द्धन गर्न ‘पाँच गणेशको दर्शन र पूजायात्रा’](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
सांस्कृतिक पर्यटन प्रवर्द्धन गर्न ‘पाँच गणेशको दर्शन र पूजायात्रा’
![डोटीमा पहिरोमा परेर एक महिलाको मृत्यु](https://snowberry.prixacdn.net/media/gallery_folder/1625927678-ucMU3_vwtlx9EgeA_p9i4fdjp04qssqp5gfudc6t1rr0hydtnb90hh8gaa8n3qge3z5xx1xl9zyul_SKOLyUlfH7_xxcjpvlebj3g2ysyvijuai8ojlxvyasc8wyqdykh5c22azvpm2tuaxuwwp6z.jpg)
डोटीमा पहिरोमा परेर एक महिलाको मृत्यु
![एक करोड खर्चेर फोहर व्यवस्थापन](https://snowberry.prixacdn.net/media/gallery_folder/images%2520(2)_IoWeOlAcq0_yrkgmx2qb9w05l0ocwtb8ku6sacivm6pw00z3b3gkz39dgduttp8idu2842z_OACXcVOMs1_ok3aad5naxhnxt4zor1pill9os3y85c2ubttpmygmyujxylpkbmhs8sjlm8i.jpeg)
एक करोड खर्चेर फोहर व्यवस्थापन
![बाटोको असुविधाले गलेखामकोट ओझेलमा](https://snowberry.prixacdn.net/media/gallery_folder/Galekhamkot%2520view%2520photo%25201_YmB3ckT5tv_ly9rxphr8p6duezwvxaiikt0d8jzekqv56pj648c9og2lzzircqymscblopv_91c7g5GPrH_ktdv6mhh9tohu4yq9lewb54ldns2dslmmbuxt0c8ucoxomdvgsoglcwktlx2.jpg)
बाटोको असुविधाले गलेखामकोट ओझेलमा
![लोसपामा फर्किँदैनौं, असोजमा नयाँ पार्टी खाेल्छैँ : राजेन्द्र महतो](https://snowberry.prixacdn.net/media/gallery_folder/Rajendra-mahato-1_XKPUzDqyjC_j7eshddl8zwrb2pckjoxxpgcdfjjlxkyofu0fesngxxj8z4yb9ostfdp6jbj_14iwFT2dN8_mxzwjwrl8amdu7qi3pgiyvuoh2jiwahopmob4asxrm0vcebqf5if2bqtyoc1.jpg)
लोसपामा फर्किँदैनौं, असोजमा नयाँ पार्टी खाेल्छैँ : राजेन्द्र महतो
![नेपाली सेनाका महासेनानी दिपक भण्डारीलाई जिम्मेवारीबाट हटाइयाे](https://snowberry.prixacdn.net/media/gallery_folder/nepal-army-logo_0wtjVIzuTd_Z9pGYUTyLQ_ayx08yzy8zzezanpa5myq4vxz3bdjjmeimjbwb3ngnzjct6ya46p1duxfrhl_iGedtIjHQ2_8ncqd3cvnayec3trqt76s2g84x8fdvf7rxuchvlwf9mdoguvadwz8khstuxb.jpg)
नेपाली सेनाका महासेनानी दिपक भण्डारीलाई जिम्मेवारीबाट हटाइयाे
![इपिएस सम्झौताको १७ वर्ष : नेपाल सन् २०२३ मा बढी कामदार पठाउने पहिलो मुलुक](https://snowberry.prixacdn.net/media/gallery_folder/EPS%2520Nepal_6jREgOjsg0_psqoova4ha45rdijseymv0kpj8cghwqyjdw9gu6l6itq65c6ufmho2fnr67m_4djkTRrun3_rgbwrpxrfb2v79poluuiovdkabno2wnfbr6pxr3ls7l3wyvnsck22goefv51.jpg)
इपिएस सम्झौताको १७ वर्ष : नेपाल सन् २०२३ मा बढी कामदार पठाउने पहिलो मुलुक
![आज विदेशी मुद्राका विनियमदर कति? हेर्नुहोस् सूची](https://snowberry.prixacdn.net/media/gallery_folder/money-exchange-template_1-1.jpg-4-1_haFLoVh68k_6qyker7mqwl0wamhbc7vpng1omjszvqkmovzv7ncobfyo0muzww70c7hpkn1_PeryJNwedD_dt26zlbyk7hlbl22qtyzwz0jkevmqtlpohdqcegv7owrouukpsctrwzf76hv.jpg)
प्रतिक्रिया