उपकुलपति नियुक्तिबारे शिक्षा समितिको शिक्षा मन्त्रालयलाई ध्यानाकर्षण
![](https://snowberry.prixacdn.net/media/gallery_folder/Sikshya-samiti-_LEQvMD7dM1_c1zfxoaqwfu0koj2ow9fzs8he9z8rchxajqi2jmqjlloyesj7tp93gffyew4_9wIFU57pm3_oged4xpcpyiyc34f5u5pvjx9lqfbqaomy6cynywsrjxsd74fc0xtevenxff7.webp)
काठमाडौँ, २९ माघ प्रतिनिधिसभा अन्तर्गतको शिक्षा, स्वास्थ्य तथा प्रविधि समितिले त्रिभुवन विश्वविद्यालयको उपकुलपति छनोटका लागि सर्टलिष्ट ९छोटो सूची० मा परेका विवादित व्यक्तिबारे पुनर्विचार गर्न शिक्षा, विज्ञान तथा प्रविधि मन्त्रालय र उपकुलपति सिफारिस समितिको ध्यानाकर्षण गराएको छ ।
समितिको आज सिंहदरबारमा बसेको बैठकले उपकुलपतिका लागि सर्टलिष्टमा परेका व्यक्तिबारे छलफल गर्दै बौद्धिक चोरी, भ्रष्टाचार मुद्दा लागेका र सूचना लुकाएको अभियोगमा जरिवाना पाएका पनि सर्टलिष्टमा परेकाले नियुक्तिको प्रक्रिया तत्काल रोक्नुपर्ने भनेपछि समितिले विवादित व्यक्तिबारे पुनर्विचार गर्न शिक्षा, विज्ञान तथा प्रविधि मन्त्रालय र उपकुलपति सिफारिस समितिलाई ध्यानाकर्षण गराउने निर्णय गरेको हो ।
समिति सभापति भानुभक्त जोशीले छलफलमा उठेका विषयबारे पुनर्विचार गर्नका लागि शिक्षा, विज्ञान तथा प्रविधि मन्त्रालय र सिफारिस समितिलाई ध्यानाकर्षण गराइएको जानकारी दिनुभयो । “अहिले उपकुलपति छनोट प्रक्रियामा परेकामध्ये केहीलाई बौद्धिक चोरी, भ्रष्टाचार, सूचना लुकाएकालगायत आरोप लागेकाले ती व्यक्तिका बारेमा विशेष ध्यान दिनका लागि मन्त्रालयको ध्यानाकर्षण गराउने निर्णय गरेका छौँ”, उहाँले भन्नुभयो ।
समितिले त्रिभुवन विश्वविद्यालयमा कार्यबाहक कुलपतिले विभिन्न निर्णय गरेको विषयबारे छानबिन गरी आवश्यक कारबाही गर्न पनि निर्देशन दिएको छ । सभापति जोशीले उपकुलपति नियुक्ति पारदर्शी बनाउन र नियुक्ति प्रक्रिया सामान्य जनताले अनुभूत गर्नेगरी गर्न उपकुलपति सिफारिस समितिलाई आग्रह गर्नुभयो । उहाँले विश्वविद्यालय उपकुलपति नियुक्तिबारे फरक–फरक मापदण्ड रहेको पाइएको भन्दै विश्वविद्यालय शिक्षा सुधारका लागि सबै गम्भीर हुनुपर्ने खाँचो औँल्याउनुभयो ।
बैठकमा शिक्षाराज्यमन्त्री प्रमिला कुमारीले त्रिभुवन विश्वविद्यालय ऐन बमोजिम उपकुलपति छनोटका लागि सिफारिस समिति बनेको भन्दै उक्त समितिले आवश्यक प्रक्रिया र ऐन कानुनबमोजिम योग्य र सक्षम व्यक्ति सिफारिस गर्ने विश्वास व्यक्त गर्नुभयो ।
शिक्षा मन्त्रालयका सचिव सुरेश अधिकारीले उपकुलपति छनोटको प्रक्रिया रद्द गर्न नमिल्ने भए पनि सर्टलिष्टमा परेका बौद्धिक चोरीको आरोप लागेका व्यक्तिका बारेमा सिफारिस समितिले आवश्यक छानबिन गर्ने विश्वास दिलाउनुभयो ।
यसैबीच बैठकमा बोल्ने सांसदहरुले उपकुलपति छनोट प्रक्रियाको सर्टलिष्टमा रहेका व्यक्तिहरु बौद्धिक चोरीको आरोप लागेका, सूचना लुकाएको आरोपमा सूचना आयोगबाट जरिवाना पाएका र भ्रष्टाचार मुद्दा लागेका व्यक्तिहरू परेको भन्दै मन्त्रालय र समितिको ध्यानाकर्षण गराउनुभएको छ ।
सांसद बद्रीप्रसाद पाण्डेले उपकुलपति छनोटका लागि अधिकतम विवेक प्रयोग गरिनुपर्ने भन्दै छनोट प्रक्रियाको दीर्घकालीन समाधानका लागि नीतिगत सुधार जरुरी भएको बताउनुभयो ।
सांसद डा चन्द्रकान्त भण्डारीले विश्वविद्यालय सुधार गर्ने कार्ययोजना र सोचका आधारमा छनोट प्रक्रियालाई पारदर्शी बनाइनुपर्ने बताउनुभयो । सांसद विद्या भट्टराईले विश्वविद्यालयका कार्यबाहक कुलपतिले गरेका कानुन विपरीतका निर्णय भए रद्द गर्नुपर्ने धारणा राख्नुभयो ।
सांसद सुमना श्रेष्ठले कार्यबाहक उपकुलपतिले क्षेत्राधिकार मिचेर काम गर्न नमिल्ने जिकिर गर्नुभयो । सांसद तोसिमा कार्कीले उपकुलपति छनोटका सर्टलिष्टमा परेकामध्ये केही बौद्धिक चोरीमा संलग्न रहेको पाइएको भन्दै उनीहरुलाई उक्त सूचीबाट हटाउन माग गर्नुभयो । सांसद डा कालुराम राईले विवादमा परेका व्यक्तिलाई सर्टलिष्टबाट हटाउन सिफारिस समितिलाई आग्रह गर्नुभयो ।
सांसद रामप्रकाश चौधरीले उपकुलपति नियुक्ति मापदण्ड कडाइकासाथ लागू गरिनुपर्नेमा जोड दिनुभयो । सांसद ईश्वरी घर्तीले उच्च शिक्षा सुधारका लागि उपकुलपति योग्य र सक्षम व्यक्ति चयन गरिनुपर्ने बताउनुभयो ।
![झाडाबान्ता लागेर एक जनाको मृत्यु](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
झाडाबान्ता लागेर एक जनाको मृत्यु
![अविरल वर्षासँगै पहिरो खस्दा कर्णाली राजमार्ग अवरुद्ध](https://snowberry.prixacdn.net/media/gallery_folder/pahiro-1_Y4S3mdpBNV_4lyfccea7hw5oy9o9tuwb1vxxygfydfiggmd4dxrnd8afdjvq7qv5dj7h2k3_2YMt4RmSE2_jxgts7x7uqay3eay8ekly6zouac3vpocpvyk5mdalv8k20thik2xsq9k5vw3.webp)
अविरल वर्षासँगै पहिरो खस्दा कर्णाली राजमार्ग अवरुद्ध
![सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडसहितको रसिद दिने](https://snowberry.prixacdn.net/media/gallery_folder/1725760049_lisece-1200x560_sYcQgtIiE0_cwrz5nwitbudnwbpa6xugpfvagnyd4c58izb3rrrkfmwiwzfvc80vpkimwra_MtDZzd2zso_aoarcinosym6hnyutfli0tmzeel0a7zlosyvaieptndjfmmnsg4agzbsu4oc.jpg)
सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडस…
![रूसका दुई दर्जनभन्दा बढी ड्रोन खसालेको युक्रेनकाे दाबि](https://snowberry.prixacdn.net/media/gallery_folder/GettyImages-1252642248-1_jCwMeV64Dk_ukkfjkicdsz2cjkqftxo5u8awwmuduldsszzh4fuvtijrwwna9hmisk1xfcw_cM5WcwYE73_cwqjf8uuvrnrig9bp6cxctoqdmgtzz1ryhwug7mfff0sonvjcdo96v4v4uxh.jpg)
रूसका दुई दर्जनभन्दा बढी ड्रोन खसालेको युक्रेनकाे दाबि
![थारू समुदायको अटवारी पर्वः दिदी बहिनीका लागि व्रत लिएर मनाइँदै](https://snowberry.prixacdn.net/media/gallery_folder/1212170950katbari-parba_lrVCjGCnTf_wncnziuin4nalvtzertoqekatagdr0vxerojq6w4qvuebzdkmsifjkvp5nmk_rO5piQRnyH_eozlmcwajxygauvmrav09s9wiukjgyqvyarxxukbo68jrvtszqtwe02budry.jpeg)
थारू समुदायको अटवारी पर्वः दिदी बहिनीका लागि व्रत लिएर मनाइँदै
![इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार
![सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’](https://snowberry.prixacdn.net/media/gallery_folder/sahakari-pidit_ktm-5_jen6WqxLwe_ye5r2tv3zfajkk6bbqm4k1jenp1b5z479wbxna1f48yxtx0ao4ijcqfkzfai_KJy7KSza4N_xvxvlw66lab0jdbmw8s3zbebzzoxzbzy0zi17is1ndrcokkekq93fdyd9h9o.jpg)
सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’
![लखनउको यातायात नगर क्षेत्रमा रहेको एक भवन भत्किँदा आठ जनाको मृत्यु ३० जना उद्धार](https://snowberry.prixacdn.net/media/gallery_folder/efasdggmg-1725727293_x9MTLIy04p_gwz1dcpykuc3ziavqiuzxoiemwd9jbnxgsrmofrlehnaxdft1xemqzhplq5r_nFyDVREc37_9v5jaebefi0zwgxlmzc08egryauugl24724xnrbzzfcey66l8xkbcduemj90.jpg)
प्रतिक्रिया