दक्षिण एसियाकै पहिलो लेस्बियन महिला समलिङ्गीको विवाह दर्ता
![](https://snowberry.prixacdn.net/media/gallery_folder/Mahila-Samalinggi_0xNiUTo8pa_0ho9ra3yjxdd5jbobbubfkkndd5inkfzyzwx3nkiexyf7lsfqnrkp65jpsak_OPVvwjhQVG_srpshd2eltslvgaczjn37gxjw6ovwk0t5gdxcaarq4r8hbcoafkgclsoks0q.jpg)
समलिङ्गी (लेस्बियन) महिलामहिलाको विवाह दर्ता भएको छ । सर्वोच्च अदालतको आदेश अनुसार बर्दियाको बढैयाताल गाउँपालिका वडा नं २ को कार्यालयले लेस्बियन जोडीको विवाह दर्ता गरेको हो ।
पाँच वर्षदेखि समलिङ्गी सम्बन्धमा रहेका बढैयाताल वडा नं २ निवासी अन्जुदेवी श्रेष्ठ (दीप्ति) र बाँके कोहलपुर नगरपालिका वडा नं ५ बस्ने सुप्रिता गुरुङ्गको जोडीले कानुनी रूपमा विवाह दर्ताको प्रमाणपत्र लिएका छन् ।
स्थानीय पञ्जीकाधिकारी एवं वडा सचिव दीपक नेपालीले राष्ट्रिय परिचयपत्र तथा पञ्जीकरण विभागको प्राविधिक शाखाबाट दिएको जानकारी अनुसार विवाह दर्ता गरिएको बताए । ‘दर्ता गर्ने र प्रमाणपत्रमा अस्थायी विवाह दर्ता लेखेर जारी गर्न पञ्जीकरण विभागको प्राविधिक शाखाबाट जानकारी आयो,’नेपालीले भने,‘समलिङ्गी महिलाको विवाह दर्ता भएको यो पहिलो हो ।’
मायाको पहिचान नेपालका कार्यकारी निर्देशक एवं पहिलो संविधान सभा सदस्य सुनिलबाबु पन्तले अन्जु र सुप्रितालाई दक्षिण एसियाकै पहिलो लेस्बियन (महिला समलिङ्गी) जोडी भनेका छन् ।
३३ वर्षीया दीप्ति श्रेष्ठ र ३३ वर्षीया सुप्रिता गुरुङ, दुवै जन्मँदा महिला हुन् र महिलाको रूपमा पहिचान भए । ‘नेपालबाट दक्षिण एसियाकै पहिलो लेस्बियन जोडीको रूपमा औपचारिक रूपमा विवाह दर्ता गरी इतिहास रचेका छन्,’पन्तले भने्,‘यो कोशेढुङ्गा मनाउन आज दिउँसो नेपालगन्जमा पत्रकार सम्मेलन छ ।’
मायाको पहिचान नेपालका सचिव सुरेन्द्र पाण्डेले लेस्बियन जोडीको विवाह दर्ता भएकोमा खुसी व्यक्त गर्दै सामाजिक सञ्जालमा जोडीसहितको तस्बिर सार्वजनिक गरेका छन् ।
उनीहरूले विवाह दर्ताका लागि ४ माघमा वडा कार्यालयमा निवेदन दिएका थिए। गाउँपालिकाका प्रमुख प्रशासकीय अधिकृत अर्जुन सुबेदीले पञ्जीकरण विभागमा ‘समलिङ्गी विवाह दर्ता गर्न मिल्ने वा नमिल्ने सम्बन्धमा आवश्यक राय तथा निर्देशन उपलब्ध गराइदिनु हुन’ पत्र पठाएका थिए ।
सर्वोच्च अदालतले १२ असारमा दिएको आदेश र विभागको पत्र अनुसार यसअघि लमजुङको दोर्दी गाउँपालिकाले दक्षिण एसियामै पहिलो पटक माया गुरुङ्ग र सुरेन्द्र पाण्डेलाई विवाह दर्ताको प्रमाणपत्र दिएको थियो ।
![वाग्मती सफाइ महाअभियान ५८५ औँ हप्तामा](https://snowberry.prixacdn.net/media/gallery_folder/bagmati-copy_RVBsue7L6Q_qawdrvod9jjjh1mayntcteoakqgm4myml1gf5pfi1x4t3nulu4hyikky7m2z_DWH0Hqg6XL_mhwz5uerg63l5o5xrdhukuqgakgacucvrsjmsnxidkrbo7mbkex4dicdlrn0.png)
वाग्मती सफाइ महाअभियान ५८५ औँ हप्तामा
![मन्त्रालयकाे कार्यकक्षमा गञ्जीमै रहेका दीपक मनाङेकाे तस्बिर भाइरल](https://snowberry.prixacdn.net/media/gallery_folder/Screenshot%25202024-07-27%2520142712_GiRIZJY6AM_gwht8wrcczbhlqqhsikc6rdky7y6o83is84lgwh0s6dyylz2e0j9rut8oesi_7Hi0Y5SPue_62owfnnhohqnbcnf6wvsp2zzckqynb5qwcsnfefkrcstkx1wceeqzmx3emp4.png)
मन्त्रालयकाे कार्यकक्षमा गञ्जीमै रहेका दीपक मनाङेकाे तस्बिर भाइरल
![सुशासन र अर्थतन्त्र सुधार सरकारको प्राथमिकतामाः सञ्चारमन्त्री गुरुङ](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
सुशासन र अर्थतन्त्र सुधार सरकारको प्राथमिकतामाः सञ्चारमन्त्री गुरुङ
![तीन हजार डलरको छात्रवृत्ति](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
तीन हजार डलरको छात्रवृत्ति
![सिमलताल दुर्घटना : ४० किलोको चुम्बक प्रयोग गरेर त्रिशूलीमा बेपत्ता दुई बसको खोजी गरिदै](https://snowberry.prixacdn.net/media/gallery_folder/trishuli-khoji-karya_UIKcCfL0yD_kog6wpgxuuavjrrcowfgohylji9wt8xouzpiyufvo4n9dkf8gnhttfxqxecg_HmT3UlBzbx_yyfutmbhvmbyu9zb2d5tyqxg5p5ug9phneixitltqlqcfc7fletl7wisomig.jpg)
सिमलताल दुर्घटना : ४० किलोको चुम्बक प्रयोग गरेर त्रिशूलीमा बेपत्ता दुई बसको…
![काठमाडौँ-तराई/मधेस द्रूतमार्ग : जग्गा अधिग्रहणको प्रतीक्षामा नेपाली सेना](https://snowberry.prixacdn.net/media/gallery_folder/Fast%2520Track_O3HIOjs0FO_gxrjhqms5up8n4ywna2kdrnfp6xbjzlsjdo11fd8yfv60wkgjmnn9lr7xogc_DHU7jXeels_njqlezfirw060dblbtf1b5g8vdxp0botzmvzrqkipwtsyublfpngypzm2fro.png)
काठमाडौँ-तराई/मधेस द्रूतमार्ग : जग्गा अधिग्रहणको प्रतीक्षामा नेपाली सेना
![विद्युत् बक्यौता नतिर्ने ग्राहकको लाइन काटियो](https://snowberry.prixacdn.net/media/gallery_folder/275526729electric-line_WS6n8poNMj_6jxps1me9anv23mnyqupbtaptv1pctfu7w5kdfu7nlekbywltob8ggmxwsrs_joq2XVSF0D_gbt1aywkeozezwtqoo4efizzyvtyy9q3wkwvpacj32phkcbtdgcznsferxsd.jpeg)
विद्युत् बक्यौता नतिर्ने ग्राहकको लाइन काटियो
![अनियमितताका ‘फाइल’ अनुसन्धान हुनुपर्ने](https://snowberry.prixacdn.net/media/gallery_folder/b%2520p%2520shanti%2520samaj%2520photo_njwL5aEDRH_valas3i4ijwymv4ifhoqqnjzeyufxzui6olkqs6pckrmywmjiykhef8etw6v_ZqKzcGIvKc_a204iujslsg3b4wokfqkiwhzzoawqm03pb2o7xxwsv0dwuwg606wm2s2d3il.jpeg)
प्रतिक्रिया