बागमतीलाई कर्णालीको ७९ रनको लक्ष्य

 

काठमाडौँ । प्रधानमन्त्री कप एक दिवसीय राष्ट्रिय क्रिकेट प्रतियोगितामा कर्णाली प्रदेशले बागमती प्रदेशलाई ७९ रनको लक्ष्य दिएको छ । 
मुलपानी मैदानमा जारी खेलमा टस जितेर पहिला ब्याटिङ गरेको कर्णाली प्रदेश २४.२ ओभरमा ७८ रनमा अलआउट भएको हो । 

कर्णालीका दुई खेलाडीले मात्र दोहोरो अंकको रन बनाउँदा अन्य खेलाडीले एक अंकको रन बनाए । कर्णालीका दुई खेलाडीले रनको खाता नै खोल्न सकेनन् । कर्णालीका अर्जुन घर्तिले सर्वाधिक २३ रन बनाउँदा निश्चल रावलले १३ रनको योगदान गरे । कर्णालीले १७ रन अतिरिक्त पाएको थियो । 

कर्णालीलाई सस्तैमा रोक्न रिजन ढकालले सर्वाधिक ५ विकेट लिए । उनले ७ ओभर बलिङ गर्दा एक ओभर मेडन राख्दै २५ रन खर्चेर ५ विकेट लिए । त्यस्तै कृजन गुरुङले दुई विकेट लिँदा प्रतिश जिसी, सुर्य तामाङ र विपिन आचार्यले एक एक विकेट लिए ।