नियन्त्रित लागूऔषध सहित पक्राउ

धनुषा -
जनकपुर उपमहानगरपालिका १६ कपिलेश्वर मन्दिर अगाडि पुलचोक जाने बाटोबाट नियन्त्रित लागूऔषध नाईट्रोभेट ट्यावलेट १ सय ५५ पिस सहित २ जनालाई आइतबार साँझ प्रहरीले पक्राउ गरेको छ । पक्राउ पर्नेहरुमा महोत्तरी, महोत्तरी गाउँपालिका ५ बस्ने २६ वर्षीय सोगिन्द्र महतो र आषिष मंडल रहेका छन् ।
प्रहरी चौकी कपिलेश्वरबाट कटिएको प्रहरीले उनीहरुलाई उक्त परिमाणको लागूऔषध सहित फेला पारी पक्राउ गरेको हो ।
सिरहा -
बरियारपट्टी गाउँपालिका ३ बरियारपट्टिबाट नियन्त्रित लागूऔषध अल्प्राजोल्याम ट्याबलेट १ हजार ८ सय पिस र पेन्टाजोसाईन २ सय ८६ एम्पुल सहित बरियारपट्टी गाउँपालिका(२ श्रीपुर बस्ने २० वर्षीय चन्दन कुमार यादवलाई आइतबार साँझ प्रहरीले पक्राउ गरेको छ । ईलाका प्रहरी कार्यालय बरियारपट्टी सिरहाबाट खटिएको प्रहरीले उनलाई उक्त परिमाणको लागूऔषध सहित फेला पारी पक्राउ गरेको हो ।

यसैगरी सिरहा, लाहान नगरपालिका १ स्थित सडकबाट नियन्त्रित लागूऔषध डाइजेल्याब ४६ एम्पुल, फेनारागन ४७ एम्पुल र नोर्फिन ४६ एम्पुल सहित नवराजपुर गाउँपालिका(४ बस्ने २० वर्षीय रामपुकार शर्मालाई आइतबार बिहान प्रहरीले पक्राउ गरेको छ ।

ईलाका प्रहरी कार्यालय लहानबाट खटिएको प्रहरीले अनटेष्ट लेखिएको मोटरसाइकल जाँच गर्ने क्रममा मोटरसाइकल चालक शर्मालाई उक्त परिमाणको लागूऔषध सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।