मुलुकको अर्थतन्त्रले लय समाउन थालेको छ : मन्त्री डा महत
![](https://snowberry.prixacdn.net/media/gallery_folder/%255D_H9ylFk7ZKW_1xytibixtpl6dkohiunwiymclqspgakn4qh3hdghthydfynjqwfbilaasvbt_04jmgBVXvn_rv5x0b8mqcq4gxfcu9pwzs2nunejdcs0hcsk6zetwznktjtbrlwkgra1qspq.jpg)
काठमाडाैँ, १९ मङ्सिरः अर्थमन्त्री डा प्रकाशशरण महतले देशको अर्थतन्त्र सुधारको गतिमा रहेको जानकारी दिनुभएको छ । आज यहाँ पत्रकारसँग कुराकानी गर्दै उहाँले अर्थतन्त्रले लय समाउन थालेको छ भन्नुभयो ।
उहाँले भन्नुभयो, “नेपालमा आउने विदेशी पर्यटकको सङ्ख्या र विप्रेषण आप्रवाह (रेमिट्यान्स) बढेको छ । समस्यामा परेका व्यवसायीको समस्या समाधान हुन्छ । अर्थतन्त्र विस्तारै लयमा फर्कन्छ । समग्रमा विदेशी रेमिट्यान्स ३० प्रतिशतले बढेको छ । पर्यटकको चाप बढ्दा पर्यटन व्यवसायी उत्साहित भएका छन् । ” उहाँले अर्थतन्त्रमा सुधार आउन अझै केही समय लाग्ने बताउनुभयो ।
अर्थतन्त्र सुधारका लागि धेरै नीतिगत निर्णय भएको जनाउँदै उहाँले ती निर्णयबाट भएको लगानीले प्रतिफल दिन समय लाग्दा अर्थतन्त्रमा केही समस्या देखिएको हो भन्नुभयो । भएका निर्णयका आधारमा सहजरूपमा कर्जा प्रवाह हुँदा धेरै कर्जा जग्गामा, सेयरबजार र क्रिप्टोमा पनि भित्रीरूपमा गएको जनाउँदै उहाँले त्यसको प्रतिफल आउन ढिला भएको बताउनुभयो ।
उहाँले भन्नुभयो, “घरजग्गाको कारोबारमा सुधार हुन लागेको छ ।” ऋण लिएर सही ठाउँमा लगानी गर्दा पनि परिणाम पाउन नसकेकाहरूको हकमा ब्याज, समय थपलगायतका विषयमा सरकारले राहतका लागि कोसिस गरिरहेको उहाँको भनाइ छ ।
सञ्चारकर्मीको जिज्ञासामा उहाँले एनसेलको सेयर बिक्रीका विषयमा अहिलेसम्म सरकारलाई जानकारी नभएको बताउनुभयो । उहाँले भन्नुभयो, “हामी सूचना लिइरहेका छौँ । यसको नियमन गर्ने निकाय टेलिकम हो । यो ठूलो किनबेच गर्दा अनुमति लिनुपर्ने व्यवस्था छ ।” आधिकारिकरूपमा सरकारलाई जानकारी नभएको जनाउँदै उहाँले यसले पार्ने प्रभावका विषयमा टेलिकमका पदाधिकारसँग बुझ्दै गरेको जानकारी दिनुभयो ।
फरक प्रसङ्गमा अर्थमन्त्री डा महतले अहिले सरकारले चुरे क्षेत्रको गिट्टी, बालुवा उत्खननका लागि कुनै प्रक्रिया अघि नबढाएको स्पष्ट पार्नुभयो । उहाँले भन्नुभयो, “अहिले त्यस्तो केही प्रक्रिया अघि वढेको छैन । हल्लामात्रै हो ।
यद्यपि हामीले प्रस्तावमा चुरेका भनेका छैनौँ त्यो पनि बुझीराख्नुपर्यो । हाम्रो खनिजजन्य जति पनि उत्पादन हुने सम्भावना छ, यसमा गिट्टी–ढुङ्गा पनि पर्छ ।” यसबाट वातावरणमा नकारात्मक प्रभाव नहुने गरी देशले फाइदा कसरी उठाउन सक्छ भन्ने विषय भएको उहाँले बताउनुभयो । सम्भावनाको अध्ययन गरेर वातावरणलाई क्षति नहुने गरेर यस्तो किसिमको आफ्नो उपभोगका लागि र निर्यात गरेर आम्दानी गर्नका लागि पनि सम्भावना भएको ठाउँमा सम्भावनाको उपभोग गर्नुपर्छ भन्नेमा सरकार रहेको उहाँको भनाइ छ ।
![आज कुन तरकारी तथा फलफूलको कति छ मूल्य ?(सूचीसहित)](https://snowberry.prixacdn.net/media/gallery_folder/1651025493-1T6ba_R4rNg4sQwh_wb71seiiypwzu2tptl3haeevq3pernt20vz7yeqpwn2guhhwdlarozp01enf_Aya23st156_pjieua2u6a4ly2fbcvspyt7xuj9ff7acgomy4lhhajy3iuccajbldnlfwt3d.jpg)
आज कुन तरकारी तथा फलफूलको कति छ मूल्य ?(सूचीसहित)
![विदेशी मुद्रा विनिमय दर : अस्ट्रेलियन डलर र मलेसियन रिङ्गेटको मूल्य बढ्यो](https://snowberry.prixacdn.net/media/gallery_folder/american-dollars_VK581jyeVN_60gwke8igfy4llirytf8zjtxxssfon83bwouagj2klm7gki2sic5xdezu0ps_BcjbP5DSMm_bwxzkkkbs2ehmnjfnyfxrw6kztqxd4e92i5mobqqk8tqrnb2lnqjnptrvrbu.jpg)
विदेशी मुद्रा विनिमय दर : अस्ट्रेलियन डलर र मलेसियन रिङ्गेटको मूल्य बढ्यो
![भारतसहित धेरै देशहरूले किन सुन किनिरहेका छन्?](https://snowberry.prixacdn.net/media/gallery_folder/viber_image_2024-09-07_04-01-47-346_xyRjr7jXwc_zsufznnchvhyqsl7yyrqjmemhiqhvevczoger6sjuwxz3qgj88uto5dbl0yh_ACW0FFwE7w_g4owz3hdcboayn1v58z3tbvcrgxbeofruigvkk0v96addlgiycslxcjcddl0.jpg)
भारतसहित धेरै देशहरूले किन सुन किनिरहेका छन्?
![एडीबीले नेपाललाई सिँचाइ आधुनिकीकरण अभिवृद्धिका लागि १५ अर्ब २९ करोड सहुलियत ऋण दिने](https://snowberry.prixacdn.net/media/gallery_folder/Asian_Dev_Bank_NepalAid-750x445_erTzT5yOl7_ns9xsbkxh3esgecyuspluofbi79qedtumpqctkzq8eamot2wqruos4myu9b2_FOdotPpuZX_y9bjdjzfdxbfwhjua1unjrqmnrb6kslecy6rkhrsjv3jhkflgraubfxsynvv.jpg)
एडीबीले नेपाललाई सिँचाइ आधुनिकीकरण अभिवृद्धिका लागि १५ अर्ब २९ करोड सहुलिय…
![चालु आवको बजेट ल्याउँदै सुदूरपश्चिम सरकार](https://snowberry.prixacdn.net/media/gallery_folder/images_blyhpcELy4_niwzjaftozizz09eu6mjytymfhyzikxvthulsv3ll6nnxnbo7r2kxmttlhhk_YB6iDVTuax_r8cgccskec21qbhkraqaihtltk3az6qqokjeq7gzbslrlkcbnsvryfyqdwmx.jpeg)
चालु आवको बजेट ल्याउँदै सुदूरपश्चिम सरकार
![किसानलाई पैसा तिर्न नसक्ने, तर प्रशासनिक खर्चमा पैसा सक्ने डिडिसीलाई सरकारले दियो ६० करोड ऋण](https://snowberry.prixacdn.net/media/gallery_folder/33619071_537981299930013_2252951887122792448_n_dK0B6nJ1LV_hw6eioghiioylz7btvrqc351nkbk1idpe6jlbmniu8op0biixbgdossfoa2i_UQaJjJqKAK_qteeugbqphdf4vmquo54ntgzpzqfkitqsfpcrgdsybeborsymmd1upxzk3hu.jpg)
किसानलाई पैसा तिर्न नसक्ने, तर प्रशासनिक खर्चमा पैसा सक्ने डिडिसीलाई सरकारले …
![दसैँका लागि नयाँ नोट साट्दै आएको राष्ट्र बैङ्कले यस पटक सुकिला नोट मात्र दिने](https://snowberry.prixacdn.net/media/gallery_folder/new-note_5q4gmxWEiS_ldtqobx9qadejg6eednlbgbxokwbrweysknkxramyuwasfkqkyapzub3amoe_V6S8er9jKh_obyfjkvnfehmzrcjdmcka8plcr8kgysmonuld2vu83krzvksij6y1bwgptg5.jpg)
दसैँका लागि नयाँ नोट साट्दै आएको राष्ट्र बैङ्कले यस पटक सुकिला नोट मात्र दिने
![आजको तरकारी र फलफूलको मूल्य कति?(सुचिसहित)](https://snowberry.prixacdn.net/media/gallery_folder/tarakari_EvmDNRcZE5_qxvwa4j8modbrbw6hsf3ljalyzjf5xr46hcuskjhrq58qcf1jbchrwdfobs6_CjqCxjgnjf_mt4nm2iv3a3iaej08omlz6s5eudxtet6prgwaqtvyr7ib0yy7qda4xr1rqhq.webp)
प्रतिक्रिया