राष्ट्रिय सभा चुनाव : सत्ता गठबन्धनमा भागबन्डाको तयारी
![](https://snowberry.prixacdn.net/media/gallery_folder/sabha_hSnSYQRPfG_7B7ep2tqPu_qenety1gngaw5ghycc8smpvl3ogrr9cy2b4llrud1jnuci4e0kom0fj4najt_KUjSsFXPlO_pfhfmfruiqvl077zbfbdzaybliqxfcug9toa3pzf85mwtgv71x6o3bvdvzfl.webp)
राष्ट्रिय सभा चुनावका लागि सत्तारुढ गठबन्धनमा छलफल सुरु भएको छ । प्रमुख प्रतिपक्षी नेकपा एमालेका नेताहरु भने झुलाघाट–चिवाभञ्याङ यात्रामा भएकाले यसबारे कुनै छलफल भएको छैन ।
आगामी फागुन २० गते २० जना राष्ट्रिय सभा सदस्य कार्यकाल सकिएर बिदा हुँदैछन् । कार्यकाल सकिएर बिदा हुन लागेका मध्ये विमला राई पौड्याल राष्ट्रपतिबाट मनोनित सांसद हुन् । उनको ठाउँमा राष्ट्रपतिबाटै मनोनित भएर अर्को सांसद आउँछन् । बाँकी १९ पदका लागि निर्वाचन हुनेछ ।
पद रिक्त हुनु एक महिना अगावै चुनाव गर्नुपर्ने कानुनी व्यवस्थाअनुसार २३ पुसमा उम्मेदवारी दर्ता र ११ माघमा मतदान तोकिएको छ । यससँगै सत्तारुढ गठबन्धनमा आवद्ध दलहरुबीच छलफल सुरु भएको नेताहरुले बताएका छन् ।
नेपाली कांग्रेसकी नेतृ अनिता देवकोटा पनि राष्ट्रिय सभाको चुनावका विषयमा दलहरुका बीचमा अनौपचारिक संवाद सुरु भएको बताउँछिन् ।
प्रधानमन्त्री पुष्पकमल दाहाल प्रचण्ड कोप–२८ मा सहभागी हुन युएई जानु अगाडि शीर्ष नेताहरुको बीचमा राष्ट्रिय सभाको चुनावको विषयमा छलफल भएको थियो । प्रधानमन्त्री प्रचण्ड आइतबार मात्र स्वदेश फर्किएका छन् ।
आन्तरिक गृहकार्य भइरहेको र छिट्टै गठबन्धनमा छलफल हुने नेताहरु बताउँछन् ।
यस्तो छ भागबन्डाको तयारी
सत्तारुढ दलहरु राष्ट्रिय सभाको १९ सिटका लागि भागबन्डा मिलाउने प्रयासमा छन् ।
शीर्ष नेताहरुको छलफलपछि भागबन्डाको प्रारम्भिक खाका तयार पार्ने जिम्मेवारी नेताहरुले पाएका छन् । कांग्रेसका प्रमुख सचेतक रमेश लेखक र सचेतक सुशीला थिङ, माओवादी केन्द्रका महासचिव देव गुरुङ, प्रमुख सचेतक हितराज पाण्डे, एकीकृत समाजवादीबाट उपाध्यक्ष वेदुराम भुसाल र जनता समाजवादी पार्टीका सहअध्यक्ष राजेन्द्र श्रेष्ठले सहमतिको प्रारम्भिक खाका तयार पार्ने जिम्मेवारी अनौपचारिक रुपमै प्राप्त गरेका हुन् ।
जिम्मेवारी पाएका नेताहरुबीच भएको छलफलले मतभार अध्ययन गरेर प्रस्ताव तयार पार्ने सानो समूह बनाएको छ । नेताहरुका अनुसार कांग्रेस, माओवादी केन्द्र, एकीकृत समाजवादी र जनता समाजवादी पार्टीले भागबन्डा गर्ने गरी प्रारम्भिक खाका बनेको छ । चुनाव हुने १९ सिटमध्ये कांग्रेसले ९, माओवादी केन्द्रले ६, एकीकृत समाजवादीले ३ र जसपाले १ जना उम्मेदवार उठाउने भनिएको छ ।
राष्ट्रपतिबाट मनोनित अर्का एक जना सांसद थपिंदा कांग्रेसको भागमा १० राष्ट्रिय सभा सदस्य हुनेछन् ।
तर सरकारमा रहेका नागरिक जनमत पार्टी, लोकतान्त्रिक समाजवादी पार्टी (लोसपा) र उन्मुक्ति पार्टी (नाउपा) लाई समेटिएको छैन । ‘सबै साना दललाई समेट्न गाह्रो हुने अनुमान छ । यही आधारमा चार दलका बीचमा भागबन्डा गर्ने गरी खाका तयार भएको हो’ एक नेताले भने, ‘नेताहरुबीच छलफल हुन बाँकी नै छ ।’
मधेश प्रदेशमा लोसपा चौथो ठूलो दल हो । यो प्रदेशमा माओवादी केन्द्र र जनमत पार्टी हाराहारीमा छन् । मधेश प्रदेशमा एमालेको २३०२ मतभार छ । कांग्रेसको ३१०४, जसपाको १८१७, माओवादी केन्द्रको ७६६ र जनमत पार्टीको ७४६ मतभार छ ।
सुदूरपश्चिम प्रदेशमा नाउपामा मतभारका दृष्टिमा चौथो ठूलो दल हो । यो प्रदेशमा एकीकृत समाजवादी भन्दा अगाडि नाउपा रहेको छ । यो प्रदेशमा कांग्रेसको २६४१ मतभार छ । एमालेको १४८०, माओवादी केन्द्रको १०५८, नाउपाको ५०४, एकीकृत समाजवादीको ३०७ मतभार छ ।
कांग्रेसले कोशी, मधेश, लुम्बिनी, कर्णाली र सुदूरपश्चिम प्रदेशमा एक–एक सिट, बागमती र गण्डकी प्रदेशमा दुई/दुई सिटमा उम्मेदवार उठाउने प्रस्ताव छ ।
माओवादी केन्द्रले, कोशी, बागमती, गण्डकी र कर्णाली प्रदेशमा एक/एक र सुदूरपश्चिममा दुई सिटमा उम्मेदवार उठाउनेछ । एकीकृत समाजवादीले बागमतीमा दुई सिट र कर्णालीमा एक सिटमा उम्मेदवार उठाउनेछ । मधेश प्रदेशमा एक सिटमा जसपाले उम्मेदवार उठाउनेछ ।
एमालेले हतार नगर्ने
प्रमुख प्रतिपक्षी एमालेले भने मध्यपहाडी लोकमार्गमा जारी यात्रा सकिएपछि मात्र छलफल गर्ने नेताहरु बताउँछन् । ‘अभियान सकिएपछि राष्ट्रिय सभाको चुनावबारे आन्तरिक गृहकार्य सुरु हुन्छ’ एमाले सचेतक महेश बर्तौला भन्छन्, ‘तेस्रो सातामा मनोनयन भएकाले पुसको दुई साता गृहकार्य हुन्छ ।’
एमालेको अभियान १ पुसमा सकिनेछ । बर्तौलाका अनुसार मध्यपहाडी यात्रा सकिएपछि नेताहरु काठमाडौं केन्द्रित हुनेछन् । त्यसपछि एमालेले राष्ट्रिय सभाको चुनावमा लिने नीति अख्तियार गर्नेछ ।
राष्ट्रिय सभा सदस्यमा प्रदेश सभा सदस्य र स्थानीय तहका प्रमुख र उपप्रमुख मतदाता हुन्छन् । मतदान गोप्य हन्छ । प्रदेश सभा सदस्यको मतभार ५३ छ भने पालिका प्रमुख र उपप्रमुखको मतभार १९/१९ रहेको छ ।
![४०/५० करोडभन्दा माथिका भ्रष्टाचारमा ठूला दलहरुबीच सहमति हुन्छ : घनश्याम भूसाल](https://snowberry.prixacdn.net/media/gallery_folder/ghanshyam_bhusal_1661428650_dPcMqQjZM7_wbnxvo6cmhrnhovvvek98n5nrjia0i8sia3jn7wdq7uoqddcjgncgbunwht8_JoGUuNo8Zi_03jpymim6qqfxnragr9eqktmyxpvihngbm6qjdk5v2umekufirmkpdps9frt.jpg)
४०/५० करोडभन्दा माथिका भ्रष्टाचारमा ठूला दलहरुबीच सहमति हुन्छ : घनश्याम भूसाल
![उपसभापति अर्याल भन्छन्-रास्वपाबाट तर्सिएर लखेट्न थालियो](https://snowberry.prixacdn.net/media/gallery_folder/dolprasad-aryal_RJrc0AdNkF_tEXGc4rwma_olkqio7hbbluj9eassblonx7gxz6kb7fkb9vfobuibz01jrgkwccfibgzyah_GSE1aHMg6J_k4dwvk5uy3ahij7li3aroipknmkv4uvmygujpdgcenssw0dmnavyjfye7yhr.jpg)
उपसभापति अर्याल भन्छन्-रास्वपाबाट तर्सिएर लखेट्न थालियो
![देश बनाउनका लागि ३६ हजारभन्दा बढी रवि लामिछानेहरू जन्माउनुपर्छ : रास्वपा उपसभापति अर्याल](https://snowberry.prixacdn.net/media/gallery_folder/dolprasad_aryal_1674871118_sc2NUGz7su_wsnz1ijekcgrappherlhprvetnsdgakigdhl78x89nu6qptzltkzmvndlnvi_31A3wSA5TC_e043jcyumg9npctmualgh2xikcm48irioco8im3jil6ebm9cjak2rwn4gf3z.jpg)
देश बनाउनका लागि ३६ हजारभन्दा बढी रवि लामिछानेहरू जन्माउनुपर्छ : रास्वपा उप…
![एकीकृत समाजवादीका अध्यक्ष माधव नेपाल स्वदेश फर्किए, नयाँ नेतृत्वपछि नेताहरूलाई जिम्मेवारी तोक्ने तयारी](https://snowberry.prixacdn.net/media/gallery_folder/madhav-back-to-nepal_chE4u6zETI_ngynonooiyfekgt7jyacxurzrtngzoxfmb1qcfl6qr8mv6jeq3kynu5b4tig_RwitgtVtCu_vpzbfqqkdzeug1pwiq68b7cwbh5ka4w9w5azvwvtl2a8w2trhkvprjajbajb.jpg)
एकीकृत समाजवादीका अध्यक्ष माधव नेपाल स्वदेश फर्किए, नयाँ नेतृत्वपछि नेताहरूला…
![सत्ता गुमेको आक्रोशमा प्रचण्डले बंगलादेश बनाउँछु भनेर तर्साउँदै हिँडे : एमाले बास्कोटा](https://snowberry.prixacdn.net/media/gallery_folder/images%2520(1)_GQysp8a90K_td9blacjr6dawzgjuai30dgb5sv68gyy0zet7cyjik0zsf3ejmmi4j3taydj_Rcoim5qrlX_utr3nagmtfhpao3tbgquftbmenqu3xsaqwxo0dtzklqtfveba6c5vxb3xgyi.jpeg)
सत्ता गुमेको आक्रोशमा प्रचण्डले बंगलादेश बनाउँछु भनेर तर्साउँदै हिँडे : एमाले…
![प्रधानमन्त्री ओलीले फेरि दोहोर्याउँदै भने-म भ्रष्टाचार गर्दिन, अरुलाई पनि गर्न दिन्नँ](https://snowberry.prixacdn.net/media/gallery_folder/oli-1_uKrzFvUPpD_mp8r5chctcpdmm4idcqowdmlpvczrx6hhl7kg2le2zww8pbrieuovplxqj5y_GzUWllwrCb_m6k9xhcuyy77sfszgvoswwknrun4lmyflbwd7wp3lcpietryqfmaciwqb6sw.webp)
प्रधानमन्त्री ओलीले फेरि दोहोर्याउँदै भने-म भ्रष्टाचार गर्दिन, अरुलाई पनि गर्न …
![जनयुद्ध महान नै थियो भने किन छोडेर आएको : प्रधानमन्त्री ओली](https://snowberry.prixacdn.net/media/gallery_folder/1717232912_kp_oli-1200x560_O8vvIxku3D_sepjva0zzl0vnpnp9i7jwrwk8xdmwdkvfwg3ojq0dmji2td1ntsmatlqhcbq_qckdDPEhlR_2levctcnyyghfawz9s7sxslg5aeoia0wigxigc3hcqouodtlkber1wgnscdy.jpg)
जनयुद्ध महान नै थियो भने किन छोडेर आएको : प्रधानमन्त्री ओली
![लोसपाले संविधान संशोधनबारे अन्य दलसँग छलफल गर्न बनायाे कार्यदल](https://snowberry.prixacdn.net/media/gallery_folder/losapa_FOF5RibUwU_clmzm4dhad6wtjoll1oxxrx2cqtg775fc7ndryyvei7vxtu1f5bitrd6ewpv_DJAQSk9ZS7_aokclpim8nqtrnozroggb7fjxvv06yewxayprb5wevn9iloycsymrppjajij.jpg)
प्रतिक्रिया