झोलुङगे पुलका सामान चोरी
![](https://snowberry.prixacdn.net/media/gallery_folder/7771684820026_oIGSrI9qKh_yxdv6h5iyfiumynig9u6yljtuneebko43shbbq8jk32cs5p61xsbvk8xepcz_giHC3V2rhL_vpc8nlxjktra2nwrfwnsyxlyjrt5q63ib0bfrysgsjfnccbbqs7pkq9jsjif.jpg)
काठमाडाैँ। झोलुङगे पुलका सामान चोरी कञ्चनपुरको शुक्लाफाँटा नगरपालिका–१२ तिल्कीस्थित वनहरा नदीले भत्काएको झोलुङ्गे पुलका सामान चोरी हुन थालेका छन् ।
पुलका डेग, तारजाली, नटबोल्ट, लठ्ठालगायतका सामानको संरक्षण हुन नसक्दा चोरी हुन थालेका हुन् । पुलका सामान चोरी हुनबाट जोगाउनका लागि कुनै पनि निकायले अहिलेसम्म चासो देखाएका छैनन् ।
गत वर्षको भदौमा नदीमा आएको बाढीले रु तीन करोडको लागतमा बनेको झोलुङ्गे पुलको दक्षिणतर्फको पिलर भत्काउँदा पुल नदीमा खसेको थियो । नदीमा खसेको पुलको आधा सामान खोलेर वडा कार्यालयमा राखिएको छ ।
पुलको आधा सामान नदीमै खसेको अवस्थामा रहेको छ । खसेको पुलका सामान नदीमै अलपत्र अवस्थामा रहँदा चोरी हुने क्रम बढेको स्थानीय बासिन्दा मङ्गलप्रसाद चौधरीले बताउनुभयो ।
“दिउँसै पुलका नटबोल्ट खोलेर चोरेर लैजान थालेका छन्, लठ्ठा फलामे आरीले काटेर लगेका छन्”, उहाँले भन्नुभयो, “सामान चोरी हुनबाट जोगाउनका लागि कुनै पनि निकायको ध्यान पुग्न सकेको छैन ।”
“पुलका सामान चोरी हुन थालेकाले जोगाउनका लागि पहल गर्नका लागि नगरप्रमुखसँग सम्पर्क गरी कुरा राख्दा वडा कार्यालयलाई देखाउने गरेका छन्”, स्थानीय रति रानाले भन्नुभयो– “आधा सामान चोरी भइसकेका छन् ।” वडाध्यक्ष नवलसिंह राना नदीमा खसेको पुलका सामान जोगाउनका लागि खोलेर सुरक्षित ठाउँमा राख्नुको विकल्प नरहेको बताउनुहुन्छ ।
“वडा कार्यालयकै पहलमा पुलको दक्षिणी क्षेत्रतर्फको भाग मजदुर लगाएर खोलेर सुरक्षित राखेका छौँ”, उहाँले भन्नुभयो, “पुल खोल्ने कार्यमा संलग्न मजदुरलाई अहिलेसम्म ज्याला भुक्तानी हुनसकेको छैन, ज्यालाका लागि नगरपालिकामा लेखी पठाए पनि रकम आउन सकेको छैन ।”
उहाँका अनुसार पुलको आधाभन्दा बढी भाग नदीमै खसेको अवस्थामा छ । पुलका सामान खोल्न रु रुतीन लाख रकम लाग्ने रानाले बताउनुभयो ।
पुल निर्माण भएको एक वर्ष नपुग्दै बाढीले भत्काएपछि स्थानीय बासिन्दा नदीमा अस्थायी काठेपुल निर्माण गरी ओहरदोहर गर्दै आएका छन् । अस्थायी काठेपुल तरेबापत स्थानीयले स्थानीय विपद् समितिलाई शुल्कसमेत बुझाउने गरेका छन् ।
![भारत र श्रीलङ्काबीचको टी–२० श्रृङ्खला आजदेखि शुरु हुँदै](https://snowberry.prixacdn.net/media/gallery_folder/385335.6_vjzDLLYg6f_trqyw63fpqhqjtzcrnqyf7kv86x926h17wwrcph7cb4l9t48r7ewdpenf03j_889R6JEpwT_xbdxpvmiijkqzxzvqvzqinmcggys5rvwylmm42daikansh7hbnsl5twno1ic.webp)
भारत र श्रीलङ्काबीचको टी–२० श्रृङ्खला आजदेखि शुरु हुँदै
![रक्तसञ्चार सेवा: विगत, वर्तमान र भविष्य](https://snowberry.prixacdn.net/media/gallery_folder/Screenshot%25202024-07-27%2520111737_astHCmCvrc_aratvicouxlco2i4bk1mbhtvdauyondxtpexwyvipp9xlmlit0drnjkjxpws_KryXpFYttB_g9tcp4jhqzo1wgjz8pcxykkkozsm1czhw0cv72cwnhhq608f9b4ukqpy20pr.png)
रक्तसञ्चार सेवा: विगत, वर्तमान र भविष्य
![मनसुनको एक महिना, बाढी, पहिरो, चट्याङबाट मानवीय क्षति बढी](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
मनसुनको एक महिना, बाढी, पहिरो, चट्याङबाट मानवीय क्षति बढी
![प्रधानमन्त्री ओलीले साउन ६ गते संसद बैठकमार्फत देशबासीका नाममा सम्बोधन गर्ने](https://snowberry.prixacdn.net/media/gallery_folder/images-1_edited_X6gFDvwsnv_jwrxdgksy0c7x6vb6dp1r5dahospmilhkg8as0nlcaumtjy1uvofznv8aog5_Hp9Mnen9iL_el05td2jhhmugosrkmcttnbvgvqe6exjoshovlqvrrrv6jngkbm7tafn2if3.jpg)
प्रधानमन्त्री ओलीले साउन ६ गते संसद बैठकमार्फत देशबासीका नाममा सम्बोधन गर्ने
![चेपाङले चिनेको, समाजले नचिनेको चिउरी](https://snowberry.prixacdn.net/media/gallery_folder/Screenshot%25202024-07-15%2520134331_0HKK0qtdQe_5ql5plgcco45f2wktcoeqgx3yqmhymt8nzjcegskgjhbrteedm0b0p4iz8kh_KOTaeyyySX_3bylidsbcnyinbq6gsees9qv17hju3x8qq4leuaa9ehooedhszbeqztuoh3k.png)
चेपाङले चिनेको, समाजले नचिनेको चिउरी
![निजामती कर्मचारीहरूको सरुवा स्थगित](https://snowberry.prixacdn.net/media/gallery_folder/ministry-samanya_vT7kUrgatR_gmlx9xn25v0xsssh8ikyrxupdaxo3adrrksuficc25b9yjennyztprcecgq2_sKsRmqXrMH_abv1dnwzycgsm97auid5rkiwl60rzquyca7tcq5lgxhljwhuv8yp4rcrsgln.webp)
निजामती कर्मचारीहरूको सरुवा स्थगित
![अहिलेभन्दा जनयुद्धकालमा जीवन सरल थियाे : प्रधानमन्त्री प्रचण्ड](https://snowberry.prixacdn.net/media/gallery_folder/Pm_Prachanda111_9nL5QTGRSw_PVaClQufQ6-1_L7QKBzUDVD_u4bxuta2bzyde9xe8dmtpmgnq9kpbwqjalxslrtkqkcfyw6a4uyyi0fzm4sn_jofxKVSxV8_dczun3p0swbzze0fiuaet7dbjtrp3pmmrdkedxqmvracuqlsullz1j82b7ji.jpg)
अहिलेभन्दा जनयुद्धकालमा जीवन सरल थियाे : प्रधानमन्त्री प्रचण्ड
![बढ्दैछ आत्महत्याको कहर, छैन रोकथामको चासो](https://snowberry.prixacdn.net/media/gallery_folder/%25E0%25A4%2586%25E0%25A4%25A4%25E0%25A5%258D%25E0%25A4%25AE%25E0%25A4%25B9%25E0%25A4%25A4%25E0%25A5%258D%25E0%25A4%25AF%25E0%25A4%25BE_BxmrLDSZJd_bzxnumh8isnzo9tlskma6z7s1ig1pmzvixdcgbfk8izq5wjp9uunp95ngj9r_FUfsRv8eyB_ru4eiv4fezol5vnmthuhiww0qtirxdn1znq1bfystqsau8nympwaauyfrrue.jpg)
प्रतिक्रिया