बैंकहरुमा साढे १७ करोड निक्षेप राख्दै राष्ट्र बैंक

काठमाडौं । नेपाल राष्ट्र बैंकले बैंक तथा वित्तीय संस्थाहरुमा निक्षेप लगानी गर्ने भएको छ । केन्द्रीय बैंकले विभिन्न कोषमा रहेको १७ करोड ६७ लाख रुपैयाँ बैंक तथा वित्तीय संस्थामा लगानी गर्न लागेको हो । 

निक्षेप राख्न लागेको रकममध्ये १४ करोड १४ लाख रुपैयाँ वाणिज्य बैंकमा, २ करोड ६५ लाख रुपैयाँ राष्ट्रियस्तरका विकास बैंक र ८८ लाख रुपैयाँ राष्ट्रियस्तरका वित्त कम्पनीमा लगानी गर्नेछ । 

निक्षेप लिन इच्छुुक बैंक तथा वित्तीय संस्थाले यही कात्तिक १५ गते राती १२ बजेभित्र आफूले लिन चाहेको रकम र ब्याजदर प्रस्ताव पेश गर्नुपर्नेछ । यो निक्षेप आगामी मंसिर ४ गतेदेखि २०८१ मंसिर ३ गतेसम्म ३६५ दिनका लागि लगानी गर्न लागेको राष्ट्र बैंकले जनाएको छ।