अन्तत: माधव नेपाल आफैले खनेको खाडलमा, एमालेले अघि बढायो कारवाही
![](https://snowberry.prixacdn.net/media/gallery_folder/10U4hw6Fj1S5JkGY0RKxKAMcELWt4wtN6j7LGtcD_Yj3tt3E3BE_eljz4h18lmx4j8tzsyseandyoccrzescyum8qc8dxeodeel1vxp3nozl584z.jpg)
काठमाडौँ । नेकपा एमालेको संगठनलाई धुजाधुजा पार्ने माधव नेपाल अन्तत: एमालेको कारवाहीमा पर्ने निश्चित भएको छ । आफ्नै पार्टीको सरकार ढाल्न सफल भएका नेपाललाई सुध्रिन बारम्बार अवसर दिँदा पनि विपक्षीसँग गठजोड र समानान्तर गतिविधि गर्न नछाडेपछि एमाले संस्थापनले कठोर कदम चाल्ने निर्णय गरेको हो ।
विरोधी दल नेपाली कांग्रेसका सभापति शेरबहादुर देउवालाई प्रधानमन्त्री बनाउन लागिपरेका नेपाललाई त्यसपछि पनि पार्टी हितविपरीतका गतिविधि त्याग्न भन्दै एमाले संस्थापनले निकै लचकता अपनाएको थियो । त्यसैका निम्ति एमालेका दुवैतर्फका कार्यदलले १० बुँदे सहमतिको दस्तावेज पनि तयार गरेको थियो । तर, नेपालले १० बुँदेलाई पनि चिन्दिनँ, एमालेलाई पार्टी नै मान्दिनँ भन्दै बेग्लै चुलो बाल्न नछाडेपछि कारवाहीको डण्डा उठाइएको हो ।
माधव नेपाल समूहलाई लक्षित गरी एमाले केन्द्रीय कार्यालय सचिव शेरबहादुर तामाङले एक चेतावनी जारी गरेका छन्, जसमा पार्टीविरोधी क्रियाकलापमा सहभागी नहुन भनिएको छ । नेकपा एमालेका नाममा लामो समयदेखि अनधिकृत गतिविधि भइरहेको उल्लेख गर्दै त्यस्ता गधिविधिमा सामेल भए कारवाही हुन सक्ने चेतावनी दिइएको छ ।
अब यो चेतावनीको उल्लंघन गरी पार्टी अनुशासनविपरीत बैठक र भेला गरिएमा त्यसका आयोजक र सहभागी दुवै कारवाहीमा पर्नेछन् । माधव नेपालले बुधबार नै केन्द्रीय समितिका सदस्यहरूको बैठक बोलाएका थिए । केही सदस्यले आफू उपस्थित हुन नसक्ने बताएपछि स्थगित गरिएको थियो । उक्त बैठक बिहीबार बस्ने भनिएको छ । त्यस्तो बैठकलाई पार्टीले मान्यता दिन नसक्ने र सहभागी भएमा त्यो पार्टी अनुशासनविपरीत हुने पनि सूचनामा संकेत गरिएको छ ।
यसअघि पनि पटकपटक नेपाल समूहले यस्तो चेतावनीको उल्लंघन गर्दै आएको छ । यही कारण नेता नेपालसहित कतिपयले कारवाही पनि बेहोरिसकेका छन् । तर, पार्टी एकताको सर्तमा उक्त कारवाही स्थगन गरिएको थियो । पार्टीलाई बचाउने मूल्यमा अपनाइएको लचकतालाई कमजोरीका रुपमा लिई झन् अराजक र पार्टीद्रोही गतिविधि गरेपछि अब सहन नसकिने निष्कर्षमा एमाले अध्यक्ष केपी शर्मा ओली पुगेका छन् ।
पार्टीप्रति गद्दारी गर्नेलाई अब कुनै पनि हालतमा नछाड्ने अठोट पार्टी नेतृत्वले लिएको छ । त्यसैले बिहीबारको बैठकमा जोजो सामेल हुन्छन्, ती नेता–कार्यकर्ता कारवाहीको सूचीमा पर्नेछन् । यसरी कारवाही भोग्नेमध्ये सबभन्दा बढी क्षति मन्त्री बन्न खुट्टा उचालेर बसेकाहरु बेहोर्नेछन् । उनीहरुको सांसद पद खोसिएपछि देउवा सरकारसँग बार्गेनिङ गर्ने नेपालको हैसियत पनि समाप्त हुनेछ ।
अहिले नेपालले एमाले संस्थापनसँग छुट्टै र कांग्रेस नेतृत्वको गठबन्धनमा छुट्टै बार्गेनिङ गरिरहेका छन् । पार्टीको कारवाहीपछि नेपालसँग एउटा पनि सांसद बाँकी रहने छैनन् । त्यसपछि उनी आफै पनि घर न घाटको अवस्थामा पुग्नेछन् ।
देउवा सरकारले संसद अधिवेशन अन्त्य गरी अध्यादेश ल्याएर पार्टी फुटाउन सजिलो हुने विधेयक ल्याइदेओस् भनेर नेपालले पुकारा गरिरहेका छन् । तर, देउवालाई त्यस्तो विधेयक ल्याउन सजिलो छैन । एक त अहिलेको जारी अधिवेशन बजेट पारित नगरी अन्त्य गर्न मिल्दैन । अर्को, हिजो जुन अध्यादेशको विरोधमा कांग्रेस नेतृत्वको गठबन्धन बनेर सत्तामा स्थापित भएको थियो, अहिले त्यही अध्यादेश जारी गरेपछि जनतासामु नाक देखाउने ठाउँ रहने छैन ।
अब संसद अधिवेशन अन्त्य गरेर अध्यादेश ल्याउने समय पनि सरकारसँग नहुन सक्छ । त्यसअघि नै ओलीले नेपालमाथि कारवाहीको डण्डा बजाउन सक्नेछन् ।
![नेवारी सभ्यता समाजवादसँग मिल्दोजुल्दो छः अध्यक्ष दाहाल](https://snowberry.prixacdn.net/media/gallery_folder/dahal_XzfUUqCwde_wz9ubtwiugrhlbtm9exlnptzofxd1p6ui2phnddixvhwnkfovayqp20y9aaf_yePPzJ5Yjb_igz7ldi5iutmoc9wgnevkdwa6tfup0vew7l6pq1i1wwjakzrdywmwqpf4noz.jpg)
नेवारी सभ्यता समाजवादसँग मिल्दोजुल्दो छः अध्यक्ष दाहाल
![च्याउमा आत्मनिर्भर बनाउन व्यावसायिक उत्पादन सुरु](https://snowberry.prixacdn.net/media/gallery_folder/chayeu_QLX1FTJvUC_9aau0jvdega3ls7umaeqpzi5drgdh3e51v7tuzojlnstxnmcpd5xrfyjorpy_utAHfC3VCm_u2pffwwob4hixqi4umfubrrdu85mdujwpw0olfcubwjtiote6wtxtvneat9c.jpeg)
च्याउमा आत्मनिर्भर बनाउन व्यावसायिक उत्पादन सुरु
![अवरुद्ध पृथ्वीराजमार्गमा यातायात सञ्चालनमा](https://snowberry.prixacdn.net/media/gallery_folder/prithivi-rajmarga-pahiro-tanahu-hita_su8x1Pi2cP_bnkcpb5hbt1smf8wrzazczfgtpi6fu6rlm9y5wnl4rqphmw39dnfv6l6sqzl_Mhzc2u6GAE_mk1sdiq78un0zrkcntvlp1x8qmsbqnx9eyn5zf7pxjzjyqyrda2d7sgobtzo.jpg)
अवरुद्ध पृथ्वीराजमार्गमा यातायात सञ्चालनमा
![विद्यार्थीले छात्रवृत्ति पाए नपाएको सरकारले अनुगमन गर्छ : प्रधानमन्त्री ओली](https://snowberry.prixacdn.net/media/gallery_folder/kp-oli-3_hN6iJY6HxT_vherp7sttx58fe6tm6f1shbitqauvx79lwjizb5lb8uhsovtalz7dy20h9h6_VnuUr8fFFb_xmu6qybcxacrtyt6kag9cghlwiguzpbvv3qeg6u5jcpfyzrph14sbpe5z6za.jpg)
विद्यार्थीले छात्रवृत्ति पाए नपाएको सरकारले अनुगमन गर्छ : प्रधानमन्त्री ओली
![काठमाडौँ अन्तर्राष्ट्रिय कला प्रदर्शनी शुक्रबारदेखि](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
काठमाडौँ अन्तर्राष्ट्रिय कला प्रदर्शनी शुक्रबारदेखि
![राहुल द्रविड राजस्थान रोयल्समा प्रमुख प्रशिक्षकको रूपमा फेरि फर्किए](https://snowberry.prixacdn.net/media/gallery_folder/rahul-dravid-royals-coach-1725441925_lWDCRgB6rv_unyrw8bbfvkvrpjtnjdrudbgw8u0yz14wpd9kp4munj7flgttskzxudamhba_0QYzungAfY_t9vj69pfawou6v7lnncfnt2dqseehxcn2cnu6kfxfokqhmyfw4bbtdh4xfiz.jpg)
राहुल द्रविड राजस्थान रोयल्समा प्रमुख प्रशिक्षकको रूपमा फेरि फर्किए
![प्रधानमन्त्री ओलीलाई भ्रष्टाचारी भनेर फेसबुकमा स्टाटस लेख्ने युवकलाई मुद्दा चलाइयाे](https://snowberry.prixacdn.net/media/gallery_folder/PM-KP_Oli-Baisakh-2078-1_1619003849_6KC0YQ17zA_z5j5dnic0taryv5cikhiufwl0sw5tqumobvd1m9zlpbcpngr3dum3zzk0fwg_jqeWZULdFE_tbv340ohyrsjrpqm8ega4xrd9aq72wyj8kk66rpy9xfhfgfdb6tbwhblsa2a.jpg)
प्रधानमन्त्री ओलीलाई भ्रष्टाचारी भनेर फेसबुकमा स्टाटस लेख्ने युवकलाई मुद्दा चलाइ…
![डेङ्गीको सङ्क्रमणबाट थप एक जनाको मृत्यु](https://snowberry.prixacdn.net/media/gallery_folder/dengue-kits_5J5c8bJgTs_kk042cpttejlbl09cebkvn2bmzjlaru4m52gb4lgjb1mnoq8vlntnacwgsph_QoMlbQqaxI_ftwvq1i9ekudjtzldlln9hzcbpw7n2x0rqi7eohggw7r6gnoi5etozmgmpnx.jpg)
प्रतिक्रिया