मोटरसाइकल चोरी गरी लैजाँदै गरेको अवस्थामा २ जना पक्राउ

रौतहट- 
देवाही गोनाही नगरपालिका टिकुलिया बकैया पुल नजिकै सडकमा पार्किङ गरी राखेको को ११ प २६६७ नम्बरको मोटरसाइकल चोरी गरी लैजाँदै गरेको अवस्थामा २ जनालाई बिहीबार राति प्रहरीले पक्राउ गरेको छ ।

पक्राउ पर्नेहरुमा बौधिमाई नगरपालिका १ बौधा बस्ने २० वर्षीय रमेश राय यादव र रम्भु कुमार यादव रहेका छन् ।
मोटरसाइकल चोरी गरी डोर्‍याउँदै मौलापुरतर्फ लैजाँदै गरेको अवस्थामा ईलाका प्रहरी कार्यालय देवाही गोनाहीबाट खटिएको प्रहरीले उनीहरुले उक्त मोटरसाइकल सहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।