जुवातास खेलिरहेको अवस्थामा पाँच जना पक्राउ

मकवानपुर-
हेटौंडा उपमहानगरपालिका ७ नागसोती चौकबाट जुवातास खेलिरहेको अवस्थामा ७४ हजार ६ सय ८५ रुपैयाँ र २ बुक तास सहित ५ जनालाई बिहीबार दिउँसो प्रहरीले पक्राउ गरेको छ ।

पक्राउ पर्नेहरुमा हेटौडा उपमहानगरपालिका ७ नागसोती बस्नेहरु ५७ वर्षीय सुदर्सन फुयाल, ३७ वर्षीय उद्धब खुलाल, ४१ वर्षीय दिनेस गौतम, ३५ वर्षीय बिकास गौतम र २८ वर्षीय पूर्ण राज थिङ रहेका छन् ।

उक्त स्थानमा जुवातास खेलिरहेको भन्ने सूचनाको आधारमा ईलाका प्रहरी कार्यालय पशुपतिनगर मकवानपुरबाट खटिएको प्रहरीले उनीहरुलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।