नियन्त्रित लागूऔषध सहित पक्राउ

सुनसरी-
इनरुवा नगरपालिका ३ महेन्द्र चोकबाट नियन्त्रित लागूऔषध स्पास्मो प्रोक्सिवन ९० क्याप्सुल, एकसय एमएलको डाइलेक्स डिसी १० बोतल, नगद ३ हजार रुपैयाँ र को १० प १९९ नम्बरको मोटरसाइकल सहित २ जनालाई बुधबार बिहान प्रहरीले पक्राउ गरेको छ ।

पक्राउ पर्नेहरुमा इनारुवा नगरपालिका १० जल्पापुर बस्ने ३० वर्षीय अल्लाउद्धिन मियाँ र सोही ठाउँ बस्ने २५ वर्षीय अखतर आलम रहेका छन् ।
लागूऔषध कानून कार्यान्वयन इकाई बिराटनगर र जिल्ला प्रहरी कार्यालय सुनसरीबाट संयुक्त रुपमा खटिएको प्रहरीले उनीहरुलाई उक्त परिमाणको लागूऔषध सहित फेला पारी पक्राउ गरेको हो ।

पक्राउ व्यक्तिहरु उपर जिल्ला अदालत सुनसरीबाट म्याद थप गरी थप अनुसन्धान भइरहेको जिल्ला प्रहरी कार्यालय सुनसरीले जनाएको छ ।

सप्तरी-
राजगढ गाउँपालिका २ बनैनियाबाट नियन्त्रित लागूऔषध डाइलेक्स डिसी २० बोलत र नाइट्राजेपाम २ सय २५ पिस सहित छिन्नमस्ता गाउँपालिका ४ बस्ने २१ वर्षीय कृष्ण यादव लगायत २ जना बिहीबार साँझ पक्राउ परेका छन् ।

उक्त स्थानामा बुबलेट सशस्त्र प्रहरी बल वेश क्याम्प बनैनियाबाट खटिएको प्रहरीले भारतबाट नेपालतर्फ आउँदै गरेको प्रदेश २००१ प ५३९४ नम्बरको मोटरसाइकल जाँच गर्दा मोटरसाइकलमा सवार उनीहरुलाई उक्त परिमाणको लागूऔषध सहित फेला पारी आवश्यक कारवाहीको लागि प्रहरी चौकी झुटकी सप्तरीमा बुझाएको हो ।
यस सम्बन्धमा स्थानीय प्रहरीले थप अनुन्धान गरिरहेको छ ।