सवारी दुर्घटनामा दुई जनाको मृत्यु

सप्तरी -
राजगढ गाउँपालिका ४ स्थित खेत जोत्ने क्रममा स १ त ५८७६ नम्बरको ट्याक्टर अनियन्त्रित भई पल्टिएर बुधबार बिहान दुर्घटना हुँदा ट्याक्टरका चालक सोही गाउँपालिका बस्ने ३२ वर्षीय अनिल कुमार मण्डलको मृत्यु भएको छ ।

दुर्घटनामा गम्भीर घाइते भएका उनको उपचारको लागि गजेन्द्र नारायण सिंह अस्पताल राजबिराजतर्फ लैजाने क्रममा बाटोमै मृत्यु भएको हो ।

म्याग्दी-
बेनी नगरपालिका ४ थामडाँडा टिमुरबोटस्थित सडकमा ना ७ त ४०४६ नम्बरको ट्याक्टर सडकबाट करिब ३० मिटर तल खसेर मंगलबार दुर्घटना हुँदा ट्याक्टरका चालक सोही नगरपालिका५ पुल्लाचौर बस्ने २३ वर्षीय रमेश भन्ने रेशम दर्जीको मृत्यु भएको छ । 

दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।