आगलागीमा परी मृत्यु तथा विभिन्न धनमाल जलेर नष्ट

भोजपुर -
अरुण गाउँपालिका ३ प्याउली बस्ने कर्ण बहादुर कार्कीको घरमा करेन्ट सर्ट भई आइतबार दिउँसो आगलागी हुँदा घरमा सुतिहेकी उनकी नातिनी ३ वर्षीया विष्णु मायाँ पाण्डेको आगलागीमा जलेर मृत्यु भएको छ ।

आगलागीमा जलेर गम्भीर घाइते भएकी उनको प्राथमिक स्वास्थ्य केन्द्र प्याउली हुँदै जिल्ला अस्पताल धनकुटामा थप उपचारको क्रममा मृत्यु भएको हो ।

आगलागीबाट घरभित्र रहेको नगद १ लाख ८० हजार रुपैयाँ र अन्य सरसामानहरु जलेर करिब १५ लाख रुपैयाँ बराबरको धनमाल नष्ट भएको छ ।

कञ्चनपुर-
पुनर्वास नगरपालिका ९ ख गाउँ बस्ने प्रेम बिष्टको घरको भान्छा कोठामा ग्याँस लिक भई सोमबार बिहान आगलागी हुँदा बिष्टकै १३ वर्षीय छोरा अमिश बिष्टको आगलागीमा जलेर मृत्यु भएको छ ।

संखुवासभा-

धर्मदेबी नगरपालिका ८ नेवार गाउँ बस्ने नबिन श्रेष्ठको घरमा बिद्युत सर्ट भई आइतबार साँझ आगलागी हुँदा नगद, अन्नपात, भाँडावर्तन लगायतका अन्य सरसामानहरु जलेर करिब ७ लाख ८४ रुपैयाँ बराबरको धनमालन नष्ट भएको छ ।