सवारी दुर्घटनामा ३ जनाको मृत्यु

बैतडी, पाटन नगरपालिका ८ खोड्पेस्थित सडकमा ना ६ ख ४४५० नम्बरको ट्रक सडकबाट करिब ६ सय मिटर तल खसेर शनिबार साँझ दुर्घटना हुँदा ट्रकका सह चालक डोटी जोराईल गाउँपालिका २ बस्ने २० वर्षीय भुवन सुब्बाको घट्नास्थलमै मृत्यु भएको छ ।

दुर्घटनामा घाइते भएको ट्रक चालक कैलाली मालाखेती ६ बस्ने ३३ वर्षीय लब कुमार तामाङलाई उपचारको लागि डडेलधुरा अस्पताल लगिएको छ ।

बारा -
परवानीपुर गाउँपालिका ३ परवानीपुरस्थित सडकमा हाल नम्बर नखुलेको टिपरको ठक्करबाट पैदलयात्री सोही ठाउँ बस्ने १६ वर्षीय राजकिशोर साह रौनियारको शनिबार साँझ मृत्यु भएको छ ।
दुर्घटनामा गम्भीर घाइते भएका उनको उपचारको लागि नारायणी अस्पताल वीरगंजतर्फ लैजाने क्रममा बाटोमै मृत्यु भएको हो । घटनामा संलग्न शंकास्पद २ वटा टिपरलाई प्रहरीले नियन्त्रणमा लिएको छ ।

रुपन्देही -
तिलोत्तमा नगरपालिका १ ड्राईभरटोलस्थित सडकमा बा ७ च ६९५९ नम्बरको कार अनियन्त्रित भई सडकको रेलिङमा ठोक्किएर शनिबार राति दुर्घटना हुँदा गम्भीर घाइते भएका कार चालक सोही नगरपालिका ६ बस्ने २८ वर्षीय कृष्णबाबु पाण्डेको चौराह अस्पताल कालिका नगरमा उपचारको क्रममा मृत्यु भएको छ ।
दुर्घटनाका सम्बन्धमा स्थानीय प्रहरीले थप अनुसन्धान गरिरहेको छ ।