युद्धविरामको बावजुत इजरायली सेनाले लेबनानमा हेजबुल्लाह विरुद्ध अपे्रसन जारी राख्नेछ : रक्षामन्त्री काट्ज

इजरायली रक्षामन्त्री इजरायल काट्जले युद्धविरामको बावजुत इजरायली सेजनाले लेबनानमा हेजबुल्लाह विरुद्ध सैन्य कारबाही जारी राख्ने उल्लेख गर्दै र इजरायली क्षेत्रमा कुनै आक्रमण गरेमा बेरुतमा आक्रमण गर्ने चेतावनी दिएको टाइम्स अफ इजरायलले जनाएको छ ।  

टाइम्स अफ इजरायलका अनुसार काट्जले पछिल्लो क्षेत्रीय तनाव बीच जारी इरानी चेतावनीलाई पनि अस्वीकार गर्नु भएको छ ।

इजरायलले इरानको धम्कीलाई अस्वीकार गरेको जनाँउदै इजरायलमाथि आक्रमण गर्ने प्रयास गरेमा  कडा प्रतिक्रीयाको सामना गर्नुपर्ने काट्जले बताउनु भएको छ । 

यसैबीच, इजरायली प्रधानमन्त्री बेन्जामिन नेतान्याहूले इजरायलले इरानमा आफ्नो आक्रमण रोकेको  बताउनु भएको छ ।

 इजरायल र इरानले एक अर्का माथि आक्रमण गरे पछि सार्वजनिक टिप्पणी गर्दै नेतान्याहूले तेहरानले इजरायली क्षेत्रमा आक्रमणहरू बन्द गरे पछि लडाइँ रोकिएको बताउनु भएको छ ।  

तस्निम समाचार एजेन्सीका अनुसार इरानी सेनाले लेबनानको समर्थन र इजरायली सैन्य कारबाहीको जवाफमा आक्रमण गरेको बताएको छ । इरानीे सशस्त्र बलले लेबनानका  जनताको समर्थनमा इजरायललाई प्रतिक्रिया दिएको  इरानी सेनाले  विज्ञप्ति जारी गर्द जनाएको छ । 

यद्यपि तेहरानले इजरायलले आफ्नो कारबाही जारी राख्यो भने सैन्य कारबाही पुनः सुरु गर्ने तयारी भएको जनाएको छ । 

विज्ञप्तिमा लेबनानमा, इजरायली सेना हेजबुल्लाहका स्थानहरू विरुद्ध सक्रिय रहेको उल्लेख गर्दै यदि आक्रमण जारी रहेमा पहिले भन्दा कडा र दमनकारी उपायहरू अगाडि आउने बताइएको छ ।

इरानी राष्ट्रपति मसूद पेजेस्कियनले तेहरान आफ्नो राष्ट्रिय हितको रक्षा गर्न र कूटनीतिक संलग्नता दुवैमा प्रतिबद्ध रहेको जोड दिँदै खतराको सामना गर्न पछि नहट्ने र वार्ताको लागि ढोका खुला राख्ने बताउनु भएको छ ।

सामाजिक  सञ्जाल एक्समा इरानी राष्ट्रपतिले सैन्य तयारी र कूटनीति राष्ट्रिय शक्तिको पूरक स्तम्भ भएको कुरामा जोड दिँदै तेहरानले  गरेको सुझावलाई अस्वीकार गर्नु भएको छ ।  उहाँले कूटनीति र रक्षा राष्ट्रिय शक्तिका दुई अङ्ग  भएको उल्लेख गर्दै मैदान र वार्ताको दुवैलाई आत्मसाथ गरेको बताउनु भएको छ ।

 यसैबीच, अमेरिकी राष्ट्रपति डोनाल्ड ट्रम्पले तेल अवीवले तेहरानमा आक्रमण गरेपछि दुई पक्ष बीच तीव्र आक्रमण र प्रतिआक्रमण सहितको शत्रुता बढेपछि इरान र इजरायलमा  “तत्काल युद्धविराम“ लागू गर्न खोजिरेहेको बताइएको छ ।

द्वन्द्वको पूर्ण समाधानका लागि शान्ति सम्झौतामा अन्तिम चरणको वार्ता भइरहेको ट्रम्पले बताउनु भएको छ । उहाँले सम्झौता दु्रत गतिमा  अघि बढिरहेको उल्लेख गर्दै सम्झौता नभए सम्म इरान माथि वासिङ्टनको अवरोध जारी रहने उल्लेख गर्नु भएको छ ।