इजरायली आक्रमणमा इरानी वायु रक्षा इकाइका दुई सदस्य मारिए

 इरानको सरकारी प्रसारक इस्लामिक रिपब्लिक अफ इरान बोर्डकास्टिङ (आईआरआईबी)का अनुसार सोमबार भएको इजरायली आक्रमणमा इरानको वायु रक्षा इकाईका दुई सदस्य मारिएका छन् ।

रिपोर्टअनुसार ती दुई सैनिक देशको हवाई क्षेत्रको सुरक्षा गर्ने जिम्मेवारी पूरा गर्ने क्रममा मारिएका थिए । घटनाबारे थप विवरण सार्वजनिक गरिएको छैन ।

यसैबिच इजरायल र इरानले पछिल्ला दिनमा भएको मिसाइल आक्रमणपछि पुनः युद्धविराम कायम गरेका छन् । तर तेहरानले दक्षिणी लेबनानमा इजरायली आक्रमण जारी रहेमा आफूले फेरि सैन्य कारबाही सुरु गर्न सक्ने चेतावनी दिएको छ ।

अमेरिकी राष्ट्रपति डोनाल्ड ट्रम्पले मंगलबार पत्रकारहरूसँग कुरा गर्दै अमेरिका र इरानबिच दुई वा तीन दिनभित्र नयाँ सम्झौता हुन सक्ने बताएका थिए । उनका अनुसार उक्त सम्झौताले इरानलाई आणविक हतियार प्राप्त गर्नबाट रोक्नेछ र महत्वपूर्ण समुद्री मार्ग स्ट्रेट अफ होर्मुज तत्काल पुनः पूर्ण रूपमा सञ्चालनमा आउन मद्दत गर्नेछ ।