सेनाभित्र फेरि घुसपैठ गर्न खोजियाे भने ०६६ मा भोग्नु परेभन्दा चर्को मूल्य पर्नेछः विष्णु रिजाल

काठमाडौं। नेकपा एमालेका केन्द्रीय सदस्य विष्णु रिजालले नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल ‘प्रचण्ड’को दाह्रा र नङ्ग्रा नभएको टिप्पणी गरेका छन् ।

नेपाली सेनाभित्र प्रधानमन्त्री दाहालले चलखेल गर्न खोजेको भन्दै उनले प्रचण्डसँग हिजोका जस्ता दाह्रा र नङ्ग्रा नभएको बताएका हुन् । विगतमा पनि सेना चलाएर आफ्नो अनुकुल गर्न खोज्दा असफल भएका प्रचण्डले पुन: त्यही खेल दोहोर्‍याउन खोजेको भन्दै उनले सचेत समेत गराएका छन् ।

‘इतिहास दोहोरिँदा मजाक मात्र हुन्छ भन्ने प्रचण्डलाई यादै होला । थपमा त्यो कठोर र भोग्न कठिन हुन्छ । चर्चामा आए जस्तै सेनाभित्र फेरि घुसपैठ गर्न खोजिएको हो भने सेनापतिलाई हटाउन खोज्दा ०६६ मा भोग्नु परेभन्दा चर्को मूल्य पर्नेछ । आजका प्रचण्ड हिँजोका होइनन्, दाह्रा–नंग्रा छैनन्,’ उनले ट्विट गर्दै लेखेका छन् ।

 

                                                           इतिहास दोहोरिँदा मजाक मात्र हुन्छ भन्ने प्रचण्डलाई यादै होला । थपमा त्यो कठोर र भोग्न कठिन हुन्छ । चर्चामा आए जस्तै सेनाभित्र फेरि घुसपैठ गर्न खोजिएको हो भने सेनापतिलाई हटाउन खोज्दा ०६६ मा भोग्नु परेभन्दा चर्को मूल्य पर्नेछ । आजका प्रचण्ड हिजोका होइनन्, दाह्रा–नंग्रा छैनन् ।

— Bishnu Rijal (@bishnurijal1) October 17, 2023