भारतका सबैभन्दा खतरनाक बलर बुमराहले नेपालविरूद्ध किन नखेल्ने भए?

भारतीय तीव्र गतिका बलर जस्प्रित बुमराहले एसिया कपमा नेपालसँगको खेल नखेल्ने भएका छन् ।

एसिया कप क्रिकेट प्रतियोगितामा आज नेपाल र भारतबीच खेल हुँदैछ । नेपाल र भारतबीचको खेल श्रीलंकाको पल्लेकेले मैदानमा नेपाली समयअनुसार सवा तीन बजे सुरु हुनेछ।

भारतीय सञ्चारमाध्यमहरूका अनुसार बुमराह आज भारत फर्किँदै छन् । नी व्यक्तिगत करणले भारत फर्किन लागेकाे बताइएकाे छ। लामो समय चोटका कारण मैदान बाहिर रहेपछि खेलमा फर्किएका उनले यसअघि आयरल्यान्डविरुद्धको सिरिजमा भारतीय टिमको कप्तानी समेत गरेका थिए।

बुमराह नहुनु नेपालका लागि सुखद् खबर हो । किनकी उनी विश्वकै सफल फास्ट बलर मानिन्छन् । खेलमा उनी नहुँदा नेपाललाइ इतिहास रच्ने माैका बन्र सक्छ। बुमराह टोलीमा नहुँदा मोहम्मद शामीले उनको स्थान लिनेछन् ।