कोशी सरकारविरुद्धको रिट हेर्न नमिल्ने भनेपछि सर्‍यो पेशी

कोशी प्रदेश सरकारले सभाध्यक्षको समेत मत लिएर बहुमत पुर्‍याएको विवादमा प्रमुख विपक्षी दल नेकपा एमालेले दिएको रिट हेर्न नमिल्नेमा परेको छ । 

शुक्रबार न्यायाधीशद्वय ईश्वरप्रसाद खतिवडा र सुष्मालता माथेमाको इजलासमा यो रिटको पेशी तोकिएको थियो। इजलासमा उपस्थित वरिष्ठ अधिवक्ता टीकाराम भट्टराईका अनुसार न्यायाधीश खतिवडाले रिटको पहिलो सुनुवाइमै आफूले अन्तरिम आदेश दिएकाले हेर्न नमिल्ले बताएका थिए।

उनले अन्तरिम आदेश दिएको मुद्दाको पुन: हेर्न नमिल्ने भएको हो । सो अन्तरिम आदेशमा दीर्घकालीन असर पर्ने र नीतिगत निर्णय नगर्न भनिएको थियो ।