एमालेले भन्याे:नागरिकता विधेयक प्रमाणीकरण संसदकै अपमान भयाे

नेकपा एमालेले राष्ट्रपतिबाट भएको काम संसद्को अपमान भएको ठहर गरेको छ ।

शुक्रबार बसेको एमाले सचिवालयको बैठकले मन्त्रिपरिषद्को सिफारिसमा राष्ट्रपतिले नागरिकता विधेयक प्रमाणीकरण गर्नु संविधान, कानुन र संसदीय मान्यता विपरीत भएको एमालेले बताएको छ ।नेकपा एमालेका उपमहासचिव प्रदीप ज्ञवालीले दिएको जानकारीअनुसार राष्ट्रपतिको यो कदम संसदीय प्रक्रिया र स्थापित मान्यताविपरीत भएको बताएका छन् ।

“नेपालको संविधान र स्थापित कानुन विपरीत छ,” उनले भने, “अघिल्लो संसद्ले पारित गरेर निस्कृय रहेको पृष्ठभूमिमा यस प्रतिनिधिसभाले पहिलो अधिवेशन सम्पन्न गरी दोस्रो अधिवेशन चालु रहेको अवस्थामा गरिएको प्रमाणीकरण संसद्को अपमान हो । विधेयक प्रमाणीकरणले संविधानको ठाडो उल्लंघनको विरोध गर्छ ।”