सुनको मुल्य बढ्यो

काठमाडाैँ। सुनको मूल्य तोलामा ६ सय रुपैयाँले बढेको छ । नेपाल सुनचाँदी व्यवसायी महासंघका अनुसार बुधबार सुन प्रतितोला ६ सय रुपैयाँले बढेर एक लाख ९ हजार ८ सय रुपैयाँमा कारोवार भैरहेको छ ।

बुधबारचाँदी तोलामा ५ रुपैयाँले घट्दै प्रतितोला १३ सय ६० रुपैयाँ कायम भएको छ।

अन्तराष्ट्रिय बजारमा सुनको मूल्य केही बढेको छ भने चाँदीको घटेको छ। सुन प्रतिऔंस १९७८.२२ डलर पुगेको छ। मंगलबार सुन प्रतिऔंस १९६०.९२ डलर थियो। यसैगरी मंगलबार प्रतिऔंस २३.४९ डलर रहेको चाँदी बुधबार घटेर २३.४६ डलर छ।