प्रधानमन्त्री पुष्पकमल दाहाल ‘प्रचण्ड’द्वारा सत्ता गठबन्धन दलको बैठक आह्वान

 प्रधानमन्त्री पुष्पकमल दाहाल ‘प्रचण्ड’ले सत्ता गठबन्धन दलको बैठक आह्वान गरेका छन् । 

प्रधानमन्त्री प्रचण्डले मंगलबार दिउँसो साढे २ बजे सिंहदरबारमा बस्ने गरी सत्ता गठबन्धनका १० दलको बैठक बोलाएका हुन् । छलफलमा प्रधानमन्त्रीले नीति तथा कार्यक्रममाथि सत्तारुढ दलका नेताहरुको सुझाव माग्ने उनले बताए । सरकारले ५ गते नीति तथा कार्यक्रम संसदमा प्रस्तुत गर्ने तयारी गरेको छ ।

पछिल्लो समय प्रधानमन्त्री प्रचण्ड, नेपाली कांग्रेसका सभापति शेरबहादुर देउवा  र प्रतिपक्षी दल नेकपा एमालेका अध्यक्ष केपी शर्मा ओलीबीच भने दिनहुजस्तो भेटवार्ता भइरहेको छ ।