हेलिकप्टरका पाइलट रानेश डंगोललाई अभद्र व्यवहार गरेको आरोपमा पक्राउ पर्नेमा काे काे छन?

हेलिकप्टरका पाइलट रानेश डंगोललाई अभद्र व्यवहार गरेको आरोपमा स्याङ्जा प्रहरीले ६ जनालाई पक्राउ गरेको छ । 

जिल्ला प्रहरी कार्यालयका प्रहरी प्रवक्ता पदमराज थापाका अनुसार गत बिहीबार स्याङ्जाको वालिङ नगरपालिका–८ मा फुटबल खेल जारी रहेको खेलमैदानमा हेलिकप्टर अवतरण गरेका प्रभु हेलिकप्टरका पाइलट क्याप्टेन रनेश डङ्गोललाई अभद्र व्यवहार गरेको आरोपमा उनीहरूलाई वडा प्रहरी कार्यालयले पक्राउ गरेकाे हाे।

पक्राउ पर्नेमा हेलिकोप्टरमा आएका यात्रु वालिङका विनोद गैरे, उज्ज्वल थापा, सुशील गिरी, खिमबहादुर राना र खेल भइरहेको स्थानमा हेलिकाेप्टर अवतरण गरेपछि अभद्र व्यवहार गर्ने दुईजना छन्।

हेलिकप्टर ल्याण्ड भए पश्चात आयोजक पक्ष तर्फका याम बहादुर गुरूङ र सुरेश श्रेष्ठले पाईलट रानेश डंगोललाई कुटपिट गरी अभद्र व्यवहार गरेका थिए।