वाग्मती प्रदेशमा ११ वटा मन्त्रालय कायम गरिने, आज अपराह्नसम्म मन्त्रिपरिषद् विस्तार गर्ने तयारी

वाग्मती प्रदेशमा ११ वटा मन्त्रालय कायम गरिने भएको छ ।

हिजो साँझ बसेको मन्त्रिपरिषद्को बैठकले हाल कायम रहेको १४ मन्त्रालयलाई घटाएर ११ मन्त्रालय बनाउने निर्णय गरेको हो । नवनियुक्त मुख्यमन्त्री शालिकराम जम्कट्टेलले मन्त्रालयको संख्या घटाउनका लागि तयार पारेको कार्यदलले दिएको सुझावका आधारमा प्रदेशमा बढीमा ११ वटा मन्त्रालय कायम गरिने भएको हो । जम्कट्टेललाई बुझाइएको प्रतिवेदनमा अधिकतम ११ र न्यूनतम ९ वटा मन्त्रालय कायम गर्न सुझाव दिइएको छ । प्रदेशमा कायम रहेको मन्त्रालयको संख्या हालको तुलनामा ३ वटा घटाउने र राज्यमन्त्री नियुक्त नगर्ने सहमति भएको छ।

मुख्यमन्त्री जम्कट्टेलको अध्यक्षतामा यही पुस २६ गते तीन सदस्यीय मन्त्रिपरिषद् गठन भएको थियो ।आज अपराह्नसम्म मन्त्रिपरिषद् विस्तार गर्ने तयारी गरिएको छ ।