गण्डकीमा टुंगियो मन्त्रालय भागवण्डा,३ मन्त्रीले लिए शपथ

गण्डकी प्रदेशमा सहभागी दलहरूले पाउने मन्त्रालयको भागवण्डा टुंगो लागेको छ ।

मुख्यमन्त्री नियुक्त भएको १५ दिनपछि खगराज अधिकारीले जिम्मेवारी बाँडफाँटसहित मन्त्रिपरिषदलाई पूर्णता दिएका हुन्। प्रदेश सरकारका ३ मन्त्रीले मंगलबार पद तथा गोपनीयताको शपथ समेत लिएका छन् ।

मंगलबार मुख्यमन्त्री खगराज अधिकारीले एमालेका रोशन गाहामगर र वेदबहादुर गुरुङ र माओवादी केन्द्रका रेशमबहादुर जुग्जालीलाई मन्त्री नियुक्त गरेका थिए । उनीहरुलाई मंगलबार साँझ प्रदेश प्रमुख पृथ्वीमान गुरुङले पद तथा गोपनीयताको शपथ लिएका हुन् ।

एमालेकी सीताकुमारी सुन्दासलाई आर्थिक मामिला, रोशनबहादुर गाहा थापालाई आन्तरिक मामिला र वेदबहादुर गुरुङलाई कृषि मन्त्रीको जिम्मा दिइएको छ ।