सोमबार शेयरबजार परिसूचक नेप्से १३.७१ अंकले घटेर २१६५.१० अंकमा बन्द

सोमबार शेयरबजार परिसूचक नेप्से १३.७१ अंकले घटेर २१६५.१० अंकमा बन्द भएको छ । 

बैंकिङ उपसूचक १.०८ प्रतिशत र म्युचुअल फण्ड उपसूचक ०.६६ प्रतिशतले वृद्धि भएपनि अन्य सबै उपसूचकमा गिरावट हुँदा नेप्से पनि घटेको हो ।

 ३ अर्ब ८६ करोड रुपैयाँभन्दा बढीको सेयर कारोबार भएको छ । ५ वटा कम्पनीमा सकारात्मक सर्किट लागेको छ ।   यस दिन विशेषगरी बैंकिङ समूहमा चमक आएको छ । यसअघि छोटो समयमा बजार बेस्सरी बढेको थियो । त्यतिबेला ट्रेडरहरुले केही सेयर बिक्री गरे ।

सोमबार नेप्सेमा २१० कम्पनीको सेयर कारोबार हुँदा १६६ कम्पनीको सेयरमूल्यमा गिरावट भएको छ । त्यस्तै ४१ कम्पनीको सेयरमूल्य वृद्धि हुँदा ३ कम्पनीको स्थिर छ ।