भारतको राजधानी दिल्लीमा मेयर, उपमेयर र स्थायी कमिटी सदस्य पदको चुनाव हुँदै

भारतको राजधानी दिल्लीमा नगर निगम चुनाव सकिएसँगै शुक्रवार मेयर, उपमेयर र स्थायी कमिटी सदस्य पदको चुनाव हुँदैछ ।चुनावमा तीनै पदका लागि छुट्टाछुट्टै रंग मतपत्र हुने भारतीय सञ्चारमाध्यमले जनाएका छन् ।

मेयर र उपमेयर पदमा क्रमशः भारतीय जनता पार्टी (भाजपा) बाट रेखा गुप्ता र कमल बागडी तथा आम आदमी पार्टी (आप) बाट शैली ओबेराँय र आले मोहम्मद इकबाल उम्मेदवार छिन् ।

स्थायी कमिटीका लागि ६ सिटका लागि ७ उम्मेदवार मैदानमा देखिएका छन् । शुक्रवार बिहान ११ बजेदेखि मतदान शुरू हुनेछ ।