मलाई सरकारले तालाबन्दी गरिदियो:चोलेन्द्र

 आइतबार सर्वोच्च अदालत जाने तयारी गरिरहेका निलम्बित प्रधानन्यायाधीश चोलेन्द्र शमशेर राणाले आफू निवासमै रोकिनुपरेको बताएका छन्।

निलम्बित प्रधानन्यायाधीश जबराले सर्वोच्च अदालत फर्किने तयारी गरिरहेका बेला सरकारले आफ्नो निवासको गेटबाहिरबाट बन्द गरेर प्रहरी खटाएको बताएका हुन् । 

“म आज ११ बजे सर्वोच्च पुग्ने तयारीमा थिएँ र त्यसअनुसार तयार पनि थिएँ,” उनको भनाई थियो, “तर सरकारले गेटमा तालाबन्दी गरिदिएको छ ।”

राणाविरुद्ध गत फागुन १ गते ९८ सांसदले महाभियोग प्रस्ताव दर्ता गराएका थिए।