साताको तेस्रो कारोबार दिन सोमबार सेयर बजारमा सामान्य गिरावट

काठमाडौं । साताको तेस्रो कारोबार दिन सोमबार सेयर बजारमा सामान्य गिरावट भएको छ । 

यस दिन नेप्से सूचकमा २.८१ अंकको झिनो गिरावट आएको छ । यससँगै सूचक २१९३.४३ विन्दुमा अडिएको छ । ३ अर्ब २९ करोड रुपैयाँभन्दा बढीको सेयर कारोबार भएको छ । ३ वटा कम्पनीको सेयर मूल्यमा सकारात्मक सर्किट लागेको छ । 

विन्दावासिनी हाइड्राे, सामलिङ पावर र हिमाल दोलखा हाइड्रोपावरको सर्किट लेवलमा शेयरमूल्य बढेको छ । त्यस्तै राष्ट्र उत्थान लघुवित्त घट्नेमा अगाडि छ । यो कम्पनीको ४.२४ प्रतिशतले शेयरमूल्य घटेको छ । 

 केही दिन बिक्रेताहरु हावी भए पनि अन्ततः फेरि क्रेताहरु जुर्मुराउन सक्ने बजार विश्लेषकहरुको अनुमान रहेको छ ।

शिवम् सिमेन्टको सर्वाधिक २९ करोड ३२ लाख २७ हजार रुपैयाँको कारोबार हुँदा हिमालयन डिस्टिलरीको ९ करोड ९५ लाख ४४ हजार रुपैयाँको कारोबार भएको छ ।