धार्मिक पर्यटक बोकेको भारतीय रेल मधेश प्रदेशको राजधानी जनकपुरधाम आइपुग्यो

जनकपुरधाम । धार्मिक पर्यटक बोकेको भारतीय रेल मधेश प्रदेशको राजधानी जनकपुरधाम आइपुगेको छ ।

मधेस प्रदेशका मुख्यमन्त्री लालबाबु राउतले जनकपुरस्थित रेलवे स्टेसनमा उनीहरूलाई स्वागत गरे ।भारतको राजधानी नयाँ दिल्लीबाट मंगलबार साँझ छुटेको यो रेल रामायण सर्किटअन्तर्गत नन्दीग्राम, बनारस, प्रयागराज, चित्रकुट, नासिक, हम्पी, रामेश्वरम् अयोध्या, सितामढी, जयनगर हुँदै  जनकपुरधामको रेल्वे स्टेशनमा आइपुगेको हो ।

रेल भारतीय समयानुसार मंगलबार साँझ ७ बजे नयाँ दिल्लीबाट जनकपुरका लागि प्रस्थान गरेको थियो । धार्मिक पर्यटक सबैलाई बिहीबार जनकपुरधाममा बास बस्ने व्यवस्था मिलाइएको छ ।