भरतपुरमा मतदाता प्रभावित बनाउने गरी घुमफिरगरेपछि एमालेद्वारा उम्मेदवारी खारेजीको माग

शुक्रबार हुने स्थानीय चुनावको अघिल्लो दिन भरतपुर महानगरपालिकामा सत्ता गठवन्धनको व्यापक चलखेल भएपछि नेकपा एमालेले उम्मेदवारी खारेजीको माग गरेको छ ।

जिल्ला अध्यक्ष रामप्रसाद न्यौपानेले विज्ञप्ति जारी गर्दै आचारसंहिता उल्लंघन गर्ने नेकपा माओवादी केन्द्र र नेपाली कांग्रेसका भरपुर र माडी नगरपालिकाका उम्मेदवारहरुको उम्मेदवारी रद्द गर्ने प्रक्रिया अघि बढाउन माग गरेका छन् ।

आज सत्तारुढ दल नेकपा माओवादी केन्द्रका अध्यक्ष पुष्पकमल दाहाल प्रचण्डसहित ३ जना मन्त्रीहरु भरतपुरमा मतदाता प्रभावित बनाउने गरी घुमफिर गरिरहेपछि एमालेले गठबन्धनका उम्मेदवारी खारेजीको माग गरेको छ ।