चार दिनपछि नेप्सेमा गिरावट

काठमाडौं । अघिल्लो चार कारोबार दिन १३० अंकले बढेको सेयर बजारमा बिहीबार गिरावट आएको छ । उतार–चढावबीच यसदिन सेयर बजार परिसूचक नेप्से १८.६४ ले झरेर २३५०.४२ विन्दुमा आइपुग्यो ।

सुरुवाती समयमा नेप्से बढेर २३८८ विन्दु पार गरे पनि कारोबार अन्तिम समयमा दोहोरो अंकले घट्यो । नेप्से घटे पनि कारोबार भने बढेको छ ।

यसदिन २२८ कम्पनीको ५२ लाख २७ हजार कित्ता सेयर दुई अर्ब ३२ करोड रुपैयाँबराबरमा खरिद–बिक्री भएको नेपाल स्टक एक्सचेन्जले जनाएको छ ।

यसदिन १५१ कम्पनीको सेयर मूल्य घट्दा ३४ कम्पनीको बढ्यो भने नौ कम्पनीको स्थिर रह्यो ।यसदिन पनि जाल्पा सामुदायिक लघुवित्त वित्तीय संस्थाको सेयर मूल्यमा १० प्रतिशतको पोजिटिभ सर्किट लाग्यो ।