एभरेस्ट बैंक लिमिटेडको प्रमुख कार्यकारी अधिकृत (सीईओ)मा सुदेश खालिङ नियुक्त भएका छन् ।२५ वर्षदेखि भारतीयलाई मात्र सीईओ बनाउँदै आएको यस बैंकले पहिलोपल्ट नेपालीलाई नियुक्त गरेको हो ।

एभरेस्ट बैंकमा भारतको पञ्जाब नेसनल बैंकको २० प्रतिशत लगानी छ । सीईओ पनि उक्त भारतीय बैंकले नै आफ्नो कर्मचारीलाई सीईओ बनाएर पठाउँदै आएको थियो । पञ्जाव नेसनल बैंकले पठाएका पछिल्ला सीईओ गजेन्द्रकुमार नेगीलाई १७ महिनामै हटाएर त्यस ठाउँमा खालिङलाई नियुक्त गरिएको हो ।

खालिङले १५ दिनअघि यसअघि सिटिजन्स बैंकको सञ्चालकबाट राजीनामा दिएका थिए । त्यसअघि लक्ष्मी बैंकको सीईओ रहेका खालिङसँग ३० वर्षभन्दा बढी बैंकिङ क्षेत्रको अनुभव छ ।