काठमाडाैं । पछिल्लो समय उर्लाबारी आसपासका क्षेत्रमा सुटिङ भैरहेको रहस्यमय हत्यामा आधारित सीरीज माराभिरमको सुटिङ काम सम्पन्न भएको छ।

कोरोना महामारी पछि नेपाली सिने उद्योग बिस्तारै ब्यस्त बन्दै गएको छ । यसै क्रममा सोम ॐ शिव फिल्मको ब्यानर र निर्माता आयुसा गौतमको लगानीमा वेबसीरीज माराभिरमको निर्माण सप्पन्न भएको हो । सगुन गौतमको निर्देशनमा बनेको वेब सीरिजमा कलाकार बिजय सुब्बा, लक्षणा बनिया, भुमिका खड्का, नबिस कठयात, सन्ध्या नेपाल, सगुन गौतम, सुजल प्रसाईं, गौरभ साह, सृजना न्यौपाने, अर्पित नेपाल, नवराज काफ्ले, हरि इवाहाङ्ग लिम्बू र सान्तिराम राई आदिको अभिनय रहेको छ।
सीरीजको छायांकन (सीनेमेट्रोग्राफी)अश्मिता थापाको रहेको छ। माराभिरम वेब सीरिज चाडै रिलिज गर्ने योजना रहेको निर्देशक गौतमले जानकारी दिएका छन् ।