धनगढी : सुदूरपश्चिम प्रदेश सरकारले बलात्कार पछि हत्या गरिएकि बैतडीकी भागरथी भट्ट र बझाङकी सम्झना कामीको परिवारलाइ पाँच/पाँच लाख सहयोग गर्ने निर्णय गरेको छ । सुदूरपश्चिम प्रदेश मन्त्रीपरिषद्को बैठकले उनीहरुका परिवारलाइ पाँच/पाँच लाख सहयोग गर्ने निर्णय गरेको हो ।

भागरथीको माघ २१ गते विद्यालयबाट घर फर्किने बेला बलात्कार पछि हत्या भएको थियो भने सम्झनाको गत असोजमा बलात्कारपछि हत्या भएको थियो ।

यसैबीच  ,भागरथीको हत्यारालाई प्रहरीले सार्वजनिक गरेको छ । प्रहरीका अनुसार भागरथलाई स्कुलबाट आउने क्रममा उनको आफन्त पर्ने दिनेश भट्टले हत्या गरेको जनाएको छ । अहिले पक्राउ परेको भट्टलाई प्रहरीले अनुसन्धान गरिरहेको छ । अनुसन्धानको क्रममा दिनेशले आफैले हत्या गरेको स्वीकारेका छन् ।