काठमाडाैं ।नेकपाको पुष्पकमल दाहाल र माधवकुमार नेपाल नेतृत्वको समूहले केपी शर्मा ओलीलाई पार्टी सदस्यसमेत नरहने गरी कारबाही गरेको छ ।

पार्टी कार्यालय कोटेश्वर पेरिसडाँडामा आइतबार बसेको स्थायी कमिटी बैठकले ओलीले पार्टीको नीतिविपरीत गतिविधि बढाउँदै गएको भन्दै उनलाई पार्टी सदस्यसमेत नरहने गरी हटाउने निर्णय गरेको हो ।

सो समूहको माघ २ मा बसेको स्थायी कमिटी बैठकले उनलाई पार्टी सदस्यताबाट किन नहटाउने भनेर स्पष्टीकरण सोध्नेको थियो ।प्रधानमन्त्रीको सरकारी निवास बालुवाटार पुगेर नेताहरुले तीनदिनको समयदिएर स्पष्टीकरण पत्र बुझाएका थिए ।

उक्त समूहको गत पुस ७ को केन्द्रीय कमिटी बैठकले ओलीलाई पार्टी अध्यक्षबाट हटाएर माधवकुमार नेपाललाई अध्यक्ष बनाएको थियो। दुइ समूहबीच अहिले निष्कासन र कारबाहीकाे हाेड चलेकाे छ।