अपराध जति पैदा भयो अपराधीकै घरबाट
त्यस्तै गुण्डा बढ्दै गए नेता बस्ने शहरबाट

जताततै अशान्तिको बर्बर आगो दन्केपछि
हुन्छन् हत्या हिंसा धेरै मन्त्रालयकै भरबाट

आनन्दले सास फेर्छन् जाली फटाहा शोषकहरु
कति जनता पीडित हुन्छन् तिरो अनि करबाट

सरकारी त्यो कानुन भित्र कुनीतिले बास गर्दा
आज समाज पिल्सिदै छन् जातिवाद र थरबाट

बाढी पहिरो रोकथाम भन्दै रकम धेरै हाल्छन्
खान्छन आफ्नै भुढी भर्छन् हेर्छन् नजरबाट

क्षमतावान व्यक्तिहरु आँखा चिम्ली नवस्दिय
रोकिनेथे बिकृति सब उनिहरुकै प्रहारबाट ।।।

रचनाकार -विपना शर्मा