शुक्रबार, फाल्गुण १६, २०७६ | Friday, February 28, 2020

काठमाडौँ
घुस लिएको अभियोगमा मुद्दा   * ‘गोकुलले भ्रष्टाचार गरेकाले राजिनामा दिएका हैनन्’   * ‘संगठनले चन्दा संकलन गरेको भन्ने समाचार नै भ्रामक र षड्यन्त्रमुलक’   * ‘कृषिको आधुनिकीकरणमा वर्तमान सरकारले ध्यान दिएन’   * नेपाल प्रहरीको एआईजीमा तीन जनाको बढुवा सिफारिस   * वामदेव स्वयंले राष्ट्रिय सभा सदस्य युवराज नै ठीक भन्दा जय हुन्छ   * अब पेट्रोल र डिजलमा रु ५/५ का दरले थप कर   * फ्रान्समा पठाई आकर्षक तलव दिलाउँछु भन्दै ठगी गर्ने पक्राउ   * ३० हजार कमिशन माग्ने प्रधानाध्यापक पक्राऊ परे ७४ करोड वाला मोजमा   * मेरो छिटै मृगौला प्रत्यारोपण हुँदैछः प्रधानमन्त्री   *
शुक्रबार, फाल्गुण १६, २०७६ Friday, February 28, 2020
Welcome news

प्याडले छात्रा गयल अन्त्य ः निर्धक्क विद्यालय आउन थाले

०१-फाल्गुण-२०७६ | ०८:१२:२६ am

महिनावारीको समयमा छात्रालाई विद्यालय आउने वातावरण बनाउन तनहुँको म्याग्दे गाउँपालिकाले सामुदायिक विद्यालयलाई सेनेटरी प्याड उपलब्ध गराएको छ । महिनावारी हुँदा विद्यालयमा गयल हुने प्रवृत्ति बढेपछि गाउँपालिकाले दश विद्यालयमा प्याड उपलब्ध गराएको हो ।
गाउँपालिकाभित्रका चार माध्यमिक र छ आधारभूत विद्यालयलाई पाँच हजार १७० थान प्याड वितरण गरिएको गाउँपालिकाका अध्यक्ष मायादेवी रानाले जानकारी दिए । छात्रालाई महिनावारीको समयमा कक्षा नियमितता बनाउने उद्देश्यले सेनेटरी प्याड उपलब्ध गराइएको उनले बताएकिछिन्।

मिन माध्यमिक विद्यालयमा एक हजार ५००, राधा माध्यमिक विद्यालय एक हजार १७०, महेन्द्र माध्यमिक विद्यालयमा ७००, जनगणपति माध्यमिक विद्यालयमा ७००, विजय आधारभूत विद्यालयमा १००, गणेश माध्यमिक विद्यालयमा ३००, रत्न माध्यमिक विद्यालयमा ३००, प्रभा आधारभूत विद्यालयमा २००, अकला आधारभूत विद्यालयमा १००, पसले आधारभूत विद्यालयमा १०० सेनेटरी प्याड वितरण गरिएको म्याग्दे गाउँपालिकाका प्रमुख प्रशासकीय अधिकृत हरिराम नागिलाले जानकारी दिए।

गाउँपालिकाले गत वर्ष पनि नौ विद्यालयमा प्याड उपलब्ध गराएको थियो । प्याडले महिनावारी भएको समयमा छात्राहरुलाई विद्यालयमा नियमित गराउन सहयोग पुगेको गाउँपालिकाका स्वास्थ्य शाखा प्रमुख तिलकराज घिमिरेले जानकारी दिए। “विद्यालयमा सेनेटेरी प्याड नपाउँदा महिनावारी भएको समयमा छात्रा विद्यालय नआउने, आए पनि बीचमै पढाइ छाडेर घर जाने गरेका थिए”, उनले भने, “गत वर्षदेखि विद्यालयमा नै प्याडको व्यवस्था हुन थालेपछि छात्रा निर्धक्क भएर विद्यालय आउन थालेका छन् ।”

सम्बन्धित विद्यालयका शिक्षिकालाई नै प्याड व्यवस्थापनको जिम्मा दिइएको गाउँपालिकाले जनाएको छ । विद्यालयमा नै सेनेटरी प्याड उपलब्ध भएपछि छात्रालाई सहज भएको म्याग्दे गाउँपालिका–१ गुणादीस्थित महेन्द्र माध्यमिक विद्यालयका शिक्षिका अमृता वाग्लेले जानकारी दिएकि छिन् । उनका अनुसार विद्यालयमै प्याड पाउने भएपछि महिनावारीकोे समयमा विद्यालय नआउने छात्राको दरमा कमी आएको छ । “रजश्वलाको समयमा छात्रा विद्यालय नआउने दर बढ्दै गइरहेको थियो, विद्यालयमै प्याड उपलब्ध हुने भएपछि छात्रा नियमित आउने गरेका छन्”, उनले भनिन्।

सम्बन्धित समाचार