बुधबार, मंसिर २५, २०७६ | Wednesday, December 11, 2019

काठमाडौँ
नीजि सवारी साधन भाडामा लगाउन किन नपाइने ?   * श्रोत नखुलेको सम्पत्तिमा छोरा र बाउ पक्राउ   * भोली धान्यपूर्णिमा, योमरी पुन्ही र उधौली पर्व मान्नेका लागि सार्वजनिक विदा   * आयोगकाे सुझावहरु समावेश नगरी शिक्षा नीति सार्वजनिक (पूर्णपाठसहित)   * नेपाल–भारत सीमा विवादको कारण नेपाल चीन हिमचिम   * विश्व शक्ति रुसलाई खेल क्षेत्रमा ठूलो झड्का विश्वकप र ओलम्पिक खेल्न नपाउने   * सातौँ अन्तरराष्ट्रिय लोकवार्ता सम्मेलन हुँदै   * सैन्य शिविर बाहिर विस्फोट, एकको मृत्यु, ५० घाइते   * पिता बने हाँस्यकलाकार कपिल शर्मा   * बिहेमा जान्छु भनी घरबाट निस्केका युवा मृत फेला   *
बुधबार, मंसिर २५, २०७६ Wednesday, December 11, 2019
अर्थ वाणिज्य

अनलाइन सपिङ कम्पनी ‘दराज’ सरकारी छानबिनमा, ‘मेगा डिल’ को नाममा उपभोक्ता ठगेको आशंका

२६-कार्तिक-२०७६ | ०२:००:०९ pm

काठमाडौं। पछिल्लो समयमा अनलाइन व्यापार क्षेत्रमा निकै चर्चामा आएको कम्पनी ‘दराज’को कारोवार माथि वाणिज्य, आपूर्ति तथा उपभोक्ता संरक्षण विभागले गम्भीर छानबिन सुरु गरेको छ। अनलाईन सपिङ कम्पनी ‘दराज’ ले गर्दै आएको व्यापारको वैधता र उपभोक्ता ठगीका विषयमा अनुगमन गर्न अनलाईन व्यापार संग सम्वद्ध कम्पनीको सम्पूर्ण कागजात नियन्त्रणमा लिएर अनुसन्धान थालनी गरेको छ।

सोमबार अनुगमनका क्रममा ‘दराज’ कम्पनीको कार्यालय पुगेको विभागको टोलीले कम्पनीको अनलाइन कारोबारसम्बन्धी विवरण नियन्त्रणमा लिएर अध्ययन गरिरहेको स्रोतले जनाएको छ। विसं २०७३ फागुन १४ गते कम्पनी रजिस्टारको कार्यालयमा क्यामु ‘दराज’कम्पनी प्रालि नाममा यो कम्पनी दर्ता भएको थियो। कम्पनीले अनलाइन विज्ञापन, सफ्टवेयर विकास र कार्गो उद्योग संचालन गर्ने भन्दै उद्योग विभागमा दर्ता भएको देखिन्छ।

विश्व प्रसिद्ध चिनियाँ अनलाइन कम्पनी अलिबाबासँगको सहकार्य र विदेशी लगानीसमेत भित्र्याएको उक्त कम्पनी वाणिज्य, आपूर्ति तथा उपभोक्ता संरक्षण विभागमा भने दर्ता भएको छैन। कुनै पनि कम्पनीले व्यापारका लागि वाणिज्य विभागका दर्ता हुनुपर्ने प्रचलित कानुनी प्रावधान रहेको छ।

‘दराज’ले हालसम्म गरेको कारोबार र त्यसको कर चुक्ता भए–नभएको विषयमा विभागले अध्ययन गर्ने बताइएको छ। उपभोक्ता हित संरक्षण ऐनको कार्यान्वयन तथा सो सम्बन्धी नियमन र अनुगमन गर्ने जिम्मा वाणिज्य, आपूर्ति तथा उपभोक्ता संरक्षण विभागको हो। उपभोक्ता ठगिएको वा त्यस्तो गुनासो आएको सन्दर्भमा उक्त विभागले अनुसन्धान गर्ने गर्छ। उपभोक्ता कुनै वस्तु तथा सेवाको खरिदमा मूल्य र गुणस्तरमा ठगिएको भेटिए उपभोक्ता संरक्षण ऐन २०७५ बमोजिम कारबाही गर्ने पनि विभागले जनाएको छ।

अनुगमनपछि संस्थाको नियमावली र प्रबन्धपत्र झिकाएर अध्ययन गर्ने तयारी विभागले गरेको छ। उक्त संस्थाले के कस्ता काम गर्न पाउने र कस्ता काम गर्न नपाउने भन्ने विषयमा पनि अन्यौलता रहेको र कामको प्रकृतिको स्पष्टता र सरकारी निकायबाट त्यसको अनुमति लिएरनलिएको बारे अध्ययन गर्ने विभागको उच्च श्रोतले जानकारी दिएको छ।

दराजले सोमबार ‘मेगा डिल अफर’का नाममा छुट योजना चलाएको छ। यस्ता योजना चलाउँदा उपभोक्ता ठगिको सम्भावना बढी हुने भएका कारण पनि विभागले दराजले गर्दै आएको व्यवसायमाथि निगरानी बढाएको हो।

सम्बन्धित समाचार