विश्वको सबैभन्दा ठूलो गुलाबी हिरा नोभेम्बर ११ मा लिलाम मार्फत बिक्री हुने

विश्वको सबैभन्दा ठूलो उज्ज्वल बैजनी (गुलाबी) हिराकाे नोभेम्बर ११ मा लिलाम बिक्री हुने भएकाे छ ।

रूसको सोतेबीको जेनेभा मग्निफिसन्ट ज्वेल्स् र नोबल ज्वेल्स्ले हिरा नोभेम्बर ११ मा लिलाम मार्फत बिक्री हुने जानकारी गराएका हुन् ।

अमेरिकी पत्रिका फोर्ब्सले जनाए अनुसार ‘गुलाबको आत्मा (स्प्रिट अफ द रोज)’ नाम दिइएको उक्त १४.८३ क्यारेटको हीराको मूल्य दुई करोड ३० लाखदेखि तीन करोड ८० लाख अमेरिकी डलर सम्म पर्ने अनुमान गरिएको छ ।

लिलामीका लागि राखिएको उक्त रत्न विश्वभर पाइने अन्य बहुमूल्य धातुको दुई प्रतिशत मात्रै रहेको अनुमान गरिएको छ।

'यो बिक्री एलोरोसा र सोथेबीबीच लामो समयसम्मको सम्बन्धको परिणाम हो, यस उत्कृष्ट धातुको बारेमा धेरै महिनासम्म छलफल भएको थियो र छलफलले यसलाई बिक्रीको लागि प्रस्ताव गर्ने उत्तम तरिका भएको निष्कर्ष निकालेको थियो,' विशेषज्ञ र सोथेबीको ज्वेलरी विभागका निर्देशक तथा ज्वेल्स बिक्री प्रमुख बेनोइट रिपेलिनलाई उद्धृत गरी अन्तर्राष्ट्रिय सञ्चारमाध्यमहरूले जनाएका छन्।

गोलाकार आकारको उक्त मणि २७.८५ क्यारेटको स्पष्ट गुलाबी डायमण्डले बनेको छ। रूसको उत्तरी पूर्वी साखा गणतन्त्रमा रूसी खनिज कम्पनी अलरोसाको स्वामित्वमा रहेको खानीमा भेटिएको थियो।

हीरालाई सेर्गेई डायागिलेभले निर्माण गरेपछि ‘द स्पिरिट अफ द रोज’ नाम दिइएको थियो भने सन् १९११ को अप्रिल १९ मा पहिलो पटक सार्वजनिक गरिएको थियो।