मंगलबार, मंसिर ०३, २०७६ | Tuesday, November 19, 2019

काठमाडौँ
सुदूरपश्चिम, कर्णालीलगायत पश्चिमी क्षेत्रमा ठूलो भूकम्पको झट्का   * कालापानीको बिषयमा प्रधानमन्त्री लगायत ६०१ जनालाई किन जेल नहाल्ने ?   * वर्तमान सरकारप्रतिको असन्तुष्टि मतदान मार्फत व्यक्त गर्नुपर्छ – प्रदीप पौडेल   * निगमको तेल बोक्ने ट्याङ्ककर अपहरणकारीकाे कब्जामा   * जीवन दर्शन !   * नयाँ ठाउँमा प्रदेशको राजधानी बनाउन उपयुक्त हुने : प्रचण्ड   * पूर्व राजाको क्लब चर्चाबारे हाँस्यकलाकार दिपकराज गिरी यसो भन्छन्   * ‘सरकार धाँधली गरेर भएपनि उपनिर्वाचन जित्ने कोशिसमा छ’: डा. महत   * कांग्रेसको नजरमा सरकारका २१ महिनाका २१ असफलता   * बिहान विद्यालय खोले कारवाही   *
मंगलबार, मंसिर ०३, २०७६ Tuesday, November 19, 2019
मुख्य​ समाचार

उप–निर्वाचनमा कांग्रेसको सरकारविरोधी अभियान

२३-कार्तिक-२०७६ | १२:५३:४४ pm

काठमाडौं । प्रमुख प्रतिपक्षी दल नेपाली कांग्रेसले १४ मंसिरमा हुने उपनिर्वाचनलाई सरकारविरोधी अभियानका रुपमा प्रचार प्रसार गर्दै आफ्नो पक्षमा जनलहर ल्याउन प्रयास गर्ने भएको छ । दुई तिहाईको सरकारले जनअपेक्षा अनुसारका काम गर्न नसकेको तथ्यलाई कांग्रेसले उपनिर्वाचनको प्रचार प्रसारका क्रममा उठाउने भएको छ ।

सरकार गठनको दुई वर्षमा कुनै देखाउन लायक काम सरकारले गर्न नसकेको कांग्रेसको भनाई छ । कांग्रेसले उपनिर्वाचनलाई सरकारविरुद्ध भण्डाफोरमा प्रयोग गर्ने प्रवक्ता विश्वप्रकाश शर्माले जानकारी दिए । त्यसै अनुरुपको निर्णय कांग्रेसले पदाधिकारी बैठकबाट गर्ने भएको छ । त्यसका लागि आज पदाधिकारी बैठक समेत बोलाईएको छ ।

दुई बर्षमा सरकारले गरेका चार कमजोरी लिएर कांग्रेसंले चुनावको प्रचार प्रसारका क्रममा भण्डाफोर गर्ने शर्माले बताए ।
वाइडबडी, बालुवाटार जग्गा प्रकरण, जलविद्युत् आयोजनामा भएका भ्रष्टाचारजस्ता विषयलाई प्राथमिकतामा राखेर प्रचारमा जाने कांग्रेसले बताएको छ । अधिकार केन्द्रीकरण गरेर तथा ठूला आयोजनालाई प्रधानमन्त्रीमातहत ल्याएर सरकार अधिनायकवादतर्फ उन्मुख भएको कांग्रेसले आरोप लगाउदै आएको छ ।

दुई वर्षमा सरकारले जनतालाई भरोसायोग्य नतिजा दिलाउन नसकेको, लोकतान्त्रिक व्यवस्थालाई खतरामा पार्ने प्रयत्न गरेको प्रचार कांग्रेसले गर्नेछ ।

कांग्रेसले उपनिर्वाचनबाट सरकारको विपक्षमा र कांग्रेसको पक्षमा मत प्रकट हुने दाबी गरेको छ । ०७० मा पहिलो दल बनेको कांग्रेस ०७४ मा भएको निर्वाचनमा भने कमजोर बनेको थियो । प्रतिनिधिसभातर्फ प्रत्यक्षमा जम्मा २३ सिट जित्दा धेरै प्रभावशाली नेता पराजित हुन पुगेका थिए । पहिलोपटक अभ्यास भएको संघीय संरचनामा कांग्रेस पछाडि परेको छ । सातवटै प्रदेशमा कांग्रेस विपक्षी दलमा सीमित छ ।

१४ मंसिरमा हुने उपनिर्वाचनको तयारीसहितका विषयमा छलफल गर्न बोलाइएको पदाधिकारी बैठकमा शीर्ष नेताहरू जिल्ला–जिल्ला पुग्ने, प्रचार–प्रसारको शैली निर्धारण गर्ने र चुनावी एजेन्डाको तय गर्नेछ । उम्मेदवारी मनोनयनदेखि नै केन्द्रीय नेताहरू जिल्ला खटिएका छन् । कास्की–२, बाग्लुङ, दाङ र भक्तपुर प्रदेश सभा क्षेत्रमा केन्द्रीय नेताको उपस्थितिमा ठाउँठाउँमा चुनावीसभा गर्ने तयारी कांग्रेसको छ ।

Leave a Reply

सम्बन्धित समाचार