बुधबार, कार्तिक ०६, २०७६ | Wednesday, October 23, 2019

काठमाडौँ
प्रधानमन्त्री ओली बिहीबार बाकु प्रस्थान गर्दै   * नेपालमा चिनियाँ प्रभाव बढेको अमेरिकाको टिप्पणी   * घर भत्किँदा घाइते भएका तामाङको मृत्यु   * सलमान खानको ‘दबंग–३’को ट्रेलर सार्वजनिक (भिडियो)   * आफु भारतीय नागरिक भएको पुष्टि गर्न देवेन्द्रराज कडेलको चुनौति   * उपत्यकामा बेचिने बोत्तलको पानीमा लेदो भेटियो   * महराको मुद्धा सरकारी वकिलले नै फिर्तालिनु पर्ने अवस्थामा   * काठमाडौंको तारकेश्वर ३ मा विद्यालयको बरण्डा भत्किँदा ४२ विद्यार्थी घाइते   * राष्ट्रिय गौरवका आयोजनामा प्रधानमन्त्रीको एक्सन रुमबाटै निर्देशन   * धितोपत्र बजारः परिसूचक झण्डै आठ अङ्कले बढ्यो   *
बुधबार, कार्तिक ०६, २०७६ Wednesday, October 23, 2019
मुख्य​ समाचार

राष्ट्रपति भण्डारीले शुभसाइतमा आमावाट विजयादशमीको टीका ग्रहण

२१-आश्विन-२०७६ | ०६:२०:५१ pm

काठमाडौं, असोज २१ । राष्ट्रपति विद्यादेवी भण्डारीले बडादशैको आश्वीन शुक्ल दशमीका दिन विजयादशमीको अवसरमा आज बिहान शुभसाइतमा आमा मिथिला पाण्डेबाट टीका, जमरा र आशीर्वाद ग्रहण गर्नुभएको छ ।

राष्ट्रपति भण्डारीले मंगलबार बिहान १० बजेर ३५ मिनेटको शुभसाइतमा वैदिक विधिपूर्वक नवदुर्गाभवानीको प्रसाद स्वरुप आमा पाण्डेवाट टीका ग्रहण गरेकी हुन्

राष्ट्रिय गान पछि स्वस्तिमन्त्रवाचनसहित मूल पुरोहित र अन्य पुरोहितहरुले आश्विन शुक्ल प्रतिपदाका दिन वैदिक विधिपूर्वक माता नवदुर्गा भवानीको आह्वान गरी स्थापना गरिएको पूर्ण कलशको जलले राष्ट्रपति भण्डारीलाई अभिषेक समेत गरिएको थियो । उनले हनुमानढोका दरबारका मूल पूजारी देवराज अर्याल र राष्ट्रपति कार्यालयका पुरोहित खेमचन्द्र ढकालबाट टीका, प्रसाद, तिलक, जमरा र रक्षासूत्र ग्रहण गरेकी हुन् ।

शास्त्रोक्त विधिपूर्वक प्रतिपदाका दिनदेखि महानवमीसम्म नवदुर्गा, कुमारी, महाकाली, चामुण्डा , महालक्ष्मी , महासरस्वती आदि शक्तिदेबीको पूजा–अर्चना तथा सप्तसती पाठ गरिएको हनुमानढोका दसैंघरबाट पूर्ण कलशको जल, जमरा, तिलक र रक्षासूत्र ल्याइएको थियो ।

राष्ट्रपति भण्डारीले मूल पुरोहित, राष्ट्रपति कार्यालयका पुरोहित र अन्य ब्राह्मणलाई टीका, जमरा , प्रसाद र दक्षिणा प्रदान गरिन् । त्यसअघि, राष्ट्रपतिले दीप, कलश र गणेशको पूजा संगै शुभारम्भ गरेकी थिइन् ।

राष्ट्रपति भवन शीतल निवासको प्रेक्षालयमा टीका लगाइरहँदा नेपाली सेनाको एक संगित टोलीले मंगलधुन बजाएको थियो ।राष्ट्रपतिले आफ्ना काकाकाकीबाट समेत टीका ग्रहण गर्नुभएको थियो भने देवर कैलाश भण्डारी, छोरी जुवाइँहरु, परिवारजन, स्वकीय सचिवालयका कर्मचारी र सुरक्षाकर्मीलाई टीका लगाइदिनुभयो ।

Leave a Reply

सम्बन्धित समाचार