शुक्रबार, जेठ १६, २०७७ | Friday, May 29, 2020

काठमाडौँ
[bsa_pro_ad_space id=33]
अफ्रिकी मुलुकबाट उडेर आको यो सलह किरा ।   * शव लैजाँदा शवदाह गृहका कर्मचारीकाे भागाभाग   * रौतहटमा क्वारेन्टाइन बनाउने बिषयमा झडप: प्रहरीद्वारा १२ राउन्ड हवाई फायर   * रौतहटमा थप १७ जनामा कोरोना पुष्टि: रौतहटमा सङ्क्रमितकाे संख्या १२५ पुग्यो   * लकडाउन खुलेको ३० दिनभित्र अदालत जाने मौका: हद म्याद नलाग्ने   * लोककल्याणकारी विज्ञापन अनलाइन समाचार माध्यमलाई पनि दिईने   * रेलमार्गका लागि ६६ अर्ब:विमानस्थलका लागि १९ अर्ब   * कर्मचारीलाई घुम्न प्रोत्साहन गरिने   * आर्थिक वर्ष २०७७/०७८ को बजेट प्रस्तुत गर्दै अर्थमन्त्री डा. युवराज खतिवडा (लाईभ हेर्नुहाेस)   * नयाँ व्यवसाय सुरु गर्नेलाई २ प्रतिशत ब्याजदरमा ऋण   *
[bsa_pro_ad_space id=33]
शुक्रबार, जेठ १६, २०७७ Friday, May 29, 2020
समाचार

काठमाडौंको भद्रकाली मन्दिरमा बलिप्रथा रोकी नरिवल फुटाइयो

२०-आश्विन-२०७६ | १०:४८:४९ am

काठमाडौं,बर्णन संवाददाता ।

बडादशैमा विभिन्न शक्तिपिठहरूमा पशु बलि दिइने गरिन्छ । तर काठमाडौंको भद्रकाली मन्दिरमा यो वर्ष भने बलि नदिने निर्णय गरेको मन्दिरका पूजारी किशोर देउलाले हाम्रा संवाददातालाई बताए। यस मन्दिरमा गएको वर्षदेखि नै यस मन्दिरमा बली पूजा रोक्ने सल्लाह मन्दिरका पूजारी र गुठियार बीच भर्इसकेको जानकारी पूजारी देउलाले दिए ।

मन्दिरमा विभिन्न गूठियार समूह रहेकोले पालो लगाएर मन्दिरको संरक्षण र नित्य पूजा आजा व्यवस्थापन गरिन्छ। देवीले कहिले पनि बली माग्ने नगरेको समेत उनको भनाई छ। भक्तजनहरु भाकल छ भनेर आउँछन यसवर्षदेखि उनीहरुलाई मन्दिर परिसरमा वली नगर्नु भनेर आग्रह गर्छौ,उनले भने।

पशुबलि दिने कतिपय मन्दिरमा बलिको बदलामा नरिवल , कुभिण्डो , मूला आदि चढाउने प्रचलनको शुरुवात भएको छ। उनकाअनुसार काठमाडौं उपत्यकाको शक्तिपीठहरु नारायणी मन्दिर स्वयम्भू , मैतीदेवी र भद्रकाली मन्दिरमा नरिवल फुटाएर पूजा गर्ने गरिएको छ। भक्तजनहरुमा पनि बलि दिएर भन्दा अन्य तरिकाले पनि मन्दिरमा गएर भगवानलाई सम्झन सक्ने विश्वास पलाइसकेको उनको तर्क छ ।

यस वर्ष पशुपति परिसरमा रहेका शक्तिपीठमा पनि बली रोक्ने पशुपति क्षेत्र विकास कोषले जनाएको छ। काठमाडौं उपत्यकाको दक्षिणकाली, गुह्येश्वरी, मैतीदेवी, कालिकास्थान, नक्साल भगवती, शोभा भगवती, विजेश्वरी, इन्द्रायणी, रक्तकाली, बज्रयोगिनी, संकटा, बज्रबाराही, चामुण्डा, सुन्दरीमाई जस्ता शक्तिपीठमा बली दिने गरिन्छ।

मन्दिर जस्तो पवित्र स्थलमा बली दिएर दुषित बातावरण बन्न दिनृ नहुने भक्तजन श्याम कायस्थले बताए। मानिसको मात्र होइन सम्पूर्ण प्राणीको पनि आराध्य देवीलाई खुसी बनाउँनको लागि बलिको अतिरिक्त धेरै उपाय रहेकोले धर्म र संस्कृतिको नाममा भईरहेको पशु बलि प्रथा अन्त्य हुनुपर्छ भन्ने धेरैको भनाई रहेको छ ।

सम्बन्धित समाचार
[bsa_pro_ad_space id=16]
%d bloggers like this: