शुक्रबार, जेठ १६, २०७७ | Friday, May 29, 2020

काठमाडौँ
[bsa_pro_ad_space id=33]
अफ्रिकी मुलुकबाट उडेर आको यो सलह किरा ।   * शव लैजाँदा शवदाह गृहका कर्मचारीकाे भागाभाग   * रौतहटमा क्वारेन्टाइन बनाउने बिषयमा झडप: प्रहरीद्वारा १२ राउन्ड हवाई फायर   * रौतहटमा थप १७ जनामा कोरोना पुष्टि: रौतहटमा सङ्क्रमितकाे संख्या १२५ पुग्यो   * लकडाउन खुलेको ३० दिनभित्र अदालत जाने मौका: हद म्याद नलाग्ने   * लोककल्याणकारी विज्ञापन अनलाइन समाचार माध्यमलाई पनि दिईने   * रेलमार्गका लागि ६६ अर्ब:विमानस्थलका लागि १९ अर्ब   * कर्मचारीलाई घुम्न प्रोत्साहन गरिने   * आर्थिक वर्ष २०७७/०७८ को बजेट प्रस्तुत गर्दै अर्थमन्त्री डा. युवराज खतिवडा (लाईभ हेर्नुहाेस)   * नयाँ व्यवसाय सुरु गर्नेलाई २ प्रतिशत ब्याजदरमा ऋण   *
[bsa_pro_ad_space id=33]
शुक्रबार, जेठ १६, २०७७ Friday, May 29, 2020
अर्थ वाणिज्य

पाक्न लागेको बाली जोगाउनै मुस्किल

१६-आश्विन-२०७६ | ०९:३८:३७ am

बाजुरा जिल्लाका किसानलाई यतिबेला जङ्गली जनावरबाट खेती कसरी बचाउने भन्ने चिन्ता परेको छ ।

यहाँका किसानले हिउँद र बर्खामा दुःखकष्ट गरी लगाएको खेती पाक्न लागेको समयमा सधैँ जङ्गली जनावर भालु, बँदेल र बाँदरले पूरै सखाप पार्दै गएपछि किसानलाई चिन्ता परेको हो ।

जिल्लामा पछिल्लो समयमा अधिकांश ठाउँमा सामुदायिक वनको सङ्ख्यामा वृद्धि हुँदै गएपछि जङ्गली जनावरको सङ्ख्यामा पनि वृद्धि हुँदै गएको छ ।

आहराको खोजीमा ती जङ्गली जनावरहरु किसानले लगाएको खेतीबाली नष्ट गर्दै आएको हो ।

जिल्लाको बडिमालिका, त्रिवेणी, बूढीगङ्गा नगरपालिका र छेडेदह गाउँपालिकालगायतका किसानले लगाएको धानबाली पाक्न लागेको समयमा नै जङ्गली जनावर बँदेल, भालु र बाँदरले नष्ट पार्दै गएपछि यहाँका किसानलाई आफूले के खाने भन्ने चिन्ताले सताएको स्थानीयवासी पार्वती नेपालीले बताए ।

जिल्लाको बूढीगङ्गा नगरपालिकाका स्थानीयवासी सनी दमाइले भने, “चैत–वैशाखमा लगाएको धानबाली पाक्न लागेको समयमा जङ्गली जनावर बँदेल, भालु र बाँदरले पूरै सखाप गरिदिएपछि आफूले भोकभाकै बस्नुपर्ने चिन्ता लागेको छ ।” “नेपालीको महान् चाडपर्व दशैँ नजिकै आउन लागेको छ । दशैँको बेला घरमा पाहुना आउने हुँदा उनीहरुलाई के खुवाउने हो । घरमा अरु केही खानेकुरा छैन । यसभन्दा पहिला यसै धानबालीबाट दशैँमा आउने पाहुनालाई खुवाउन सहज हुन्थ्यो”।

जिल्ला वन कार्यालय बाजुराका निमित्त प्रमुख हरि यादवले किसानले लगाएको खेती नष्ट पा¥यो भन्दैमा वन्यजन्तुलाई मार्न नपाउने भएकाले किसानले आफूले लगाएको खेतीलाई आफैँले सुरक्षा गर्नुपर्ने बताए ।

उनले सामुदायिक वन नजिकै रहेको खेती जङ्गली जनावरले नष्ट गरेपछि प्रहरीको मुचुल्का साथै सामुदायिक वनको लेटरप्याडमा सिफारिश ल्याएर जिल्ला वन कार्यालय बाजुरामा पेश गरेपछि कार्यालयले राष्ट्रिय निकुञ्जलाई राहतका लागि सिफारिश गर्नसक्ने बताए ।

सम्बन्धित समाचार
[bsa_pro_ad_space id=16]
%d bloggers like this: